Author: lensherra

Föstudaginn 31. október frumsýnir Borgarleikhúsið á stóra sviðinu farsann Beint í æð eftir Ray Cooney. Hilmir Snær Guðnason fer með aðalhlutverkið en leikstjórn er í höndum Halldóru Geirharðsdóttur. Hlátrasköll hafa borist af æfingum síðustu mánuði og er nokkuð víst að um mikla gleðisprengju er að ræða. TM er aðalstyrktaraðili sýningarinnar en nýlega skrifuðu Borgarleikhússtjóri og forstjóri TM undir samning þar sem TM bætist í hóp máttarstólpa hússins. Verkið Hvað myndir þú gera ef þú værir háttsettur læknir við stærsta sjúkrahús höfuðborgarinnar á leiðinni að flytja fyrirlestur ársins á norrænni læknaráðstefnu, nokkuð sem gæti fært þér yfirlæknisstöðu, fálkaorðu og fleiri...

Leikfélag Rangæinga æfir nú af kappi breska farsann Fullkomið brúðkaup eftir Robin Hawdon í þýðingu Arnar Árnasonar. Leikstjóri er Ármann Guðmundsson og er þetta í annað skiptið sem hann leikstýrir hjá félaginu en hann leikstýrði einnig Góðverkin kalla á síðasta leikári. Frumsýnt verður 7. nóvember í Hellubíói á Hellu.   Verkið greinir frá Bjarna sem vaknar að morgni brúðkaupsdags síns, eftir svaðalegt steggjapartý, í brúðarsvítu Stracta hótels á Hellu, með ókunnuga og nakta stúlku sér við hlið. Þar sem hann getur ekki fyrir sitt litla líf munað hvað gerðist um nóttina verður hann að taka skýringar hennar trúanlegar. Það...

Leikfélag Kópavogs frumsýnir Elskhugann eftir Harold Pinter sunnudaginn 26. okt. kl. 20.00. Harold Pinter er eitt af áhrifamestu leikskáldum samtímans og vann Nóbelsverðlaunin í bókmenntum árið 2005. Eins og mörg verka hans er Elskhuginn margslungið verk. Það fjallar um samband hjóna sem lifa óvenjulegu hjónabandi svo ekki sé meira sagt og hefur af sumum verið lýst sem dramatískri kómedíu. Örn Alexandersson leikstýrir og Arnfinnur Daníelsson og Anna Margrét Pálsdóttir leika. Aðeins 5 sýningar verða á leikritinu. Aðrir sem taka þátt eru Sigrún Tryggvadóttir aðstoðarleikstjóri, Skúli Rúnar Hilmarsson sem hannar lýsingu, Þorleifur Eggertsson sem sér um leikmynd og Hörður Sigurðarson...

Uppselt á 4 sýningar í röð – 3 aukasýningar Bætt hefur verið við þremur aukasýningum á Emil í Kattholti en uppselt hefur verið á fimm sýningar af átta. Leikfélag Sauðárkróks þakkar góðar viðtökur. Aukasýningar verða föstudag, laugardag og sunnudag. Þriðjudag 21.október kl. 18:30 uppselt Föstudag 24. október kl. 17:30 (aukasýning) Laugardag 25 október kl 14:00 (aukasýning) Sunnudag 26 október kl 16:00 (aukasýning – allra seinasta sýning)...

Leikfélag Ölfuss frumsýnir leikritið Enginn með Steindóri eftir Nínu Björk Jónsdóttur laugardagskvöldið 25. október kl. 20:00. Leikstjóri er F. Elli Hafliðason. Leikarar í sýningunni eru þau Aðalsteinn Jóhannsson, Axel Bergmann Sigurðsson, Árný Leifsdóttir, Benjamín Hallbjörnsson, Erla Dan Jónsdóttir, Hilmar Kristberg Jónsson, Jónheiður Ísleifsdóttir, Oddfreyja H. Oddfreysdóttir og Ólöf Þóra Þorkelsdóttir. Sýnt verður í Ráðhúsinu í Þorlákshöfn. Enginn með Steindóri er drepfyndið gamanleikrit sem kemur sífellt á óvart. Sagan gerist á heimili bankastjóra nokkurs og hans listelskandi ektakvinnu en þau hafa boðið foreldrum verðandi tengdasonar síns í mat. Þegar fólkið fer að kynnast tekur leikurinn að æsast og ekki lagast...