Author: lensherra

Nú gefst áhugafólki um leikhús tækifæri til að koma á opinn samlestur í Borgarleikhúsinu. Verkið Dúkkuheimili eftir Henrik Ibsen verður leiklesið mánudagsmorguninn 3. nóvember kl 10. Þetta er liður í því að opna leikhúsið og skapa skemmtilegan formála að væntanlegum sýningum. Fyrsta skrefið í æfingum leikrita er svokallaður samlestur. Þá kemur starfsfólk saman, ásamt listrænum stjórnendum og leikurum og lesa leikritið upphátt. Auk þess kynna leikstjóri, leikmynda- og búningahöfundar hugmyndir sínar og fyrir vikið er fyrsti samlestur oft eins konar hátíðarsamkoma. Þetta er upphaf langrar ferðar sem lýkur með pompi og prakt á frumsýningunni. Allir velkomnir og heitt kaffi...

Jólasýning Borgarbarna árið 2014 heitir Mamma Gjé. Þetta er níunda árið sem Borgarbörn setja upp jólasöngleik sem ætlaður er öllum aldurhópum og stílað er inn á fjölskylduskemmtun. Þessi skemmtilegi jólasöngleikur inniheldur fjölmörg vinsæl erlend lög í íslenskum búningi, óvæntar uppákomur og kraftmikla dansa. Leikstjóri og höfundur handrits er Erla Ruth Harðardóttir og henni til aðstoðar er Karen Ýr  Jóelsdóttir. Um söngstjórn sér Rebekka Sif Stefánsdóttir og danshöfundur er Auður Finnbogadóttir. Frumsýning verður í Iðnó 30. nóvember og standa sýningar fram að jólum. Sýningin fjallar um ævintýri Mömmu Gjé og þeirra þrettán barna sem hún er með í fóstri. Nú, þegar...

Þriðjudagskvöldið 28. október klukkan 20 flytur Árni Kristjánsson, leikstjóri og leikritahöfundur, frumsaminn einleik um Narfa eitt fyrsta leikrit Íslendinga. Verk Árna er í fyrirlestrarformi og er samið til heiðurs Sveini Einarssyni sem fagnaði áttatíu ára afmæli sínu í ár. Aðgangur er ókeypis og aðeins stefnt að einni sýningu. Narfi er upphaflega gamanleikur eftir Sigurð Pétursson og var flutt árið 1799. Verkið var fyrsta leikrit Íslendinga með pólitískum undirtón en það fór ekki betur en svo að í kjölfarið var leikritun á Íslandi bönnuð og næsta íslenska leikrit af einhverju vægi kom ekki fram fyrr en 63 árum síðar. Árni...

Nú er aðeins ein sýning eftir á leikritinu Róðarí eftir Hrund Ólafsdóttur, sem sýnt er í Tjarnarbíói. Verkið, sem tekur á viðkvæmu málefni, samskiptum innan fjölskyldunnar í skugga áfalla í fortíðinni, hefur verið lofuð jafnt af gagnrýnendum sem almennum áhorfendum. Lokasýning verður 30. október og hefst klukkan 20.00. Leikstjóri er Erling Jóhannesson. Verkið fjallar um fjögur systkini á miðjum aldri og móður þeirra, sem neyðast til að hittast þegar ein systirin veikist og þarf á hjálp að halda. Samheldni er ekki þeirra sterkasta hlið. Það er því þrautin þyngri að þurfa í sameiningu að ráða fram úr málum. Systkinin...

Í Strengjum blandar Vinnslan saman listformum og setur upp verk sem fjallar um sjálft vinnuferlið. Hvaðan kemur efniviðurinn? Er einlægnina að finna bakvið tjöldin? Kemur sannleikurinn í ljós? Er sannleikurinn yfir höfuð áhugaverður? Sýningin er frumsýnd í Tjarnarbíói í kvöld, fimmtudag, kl. 20:00. Hvar er púls listarinnar? Án áhorfenda er listin til lítils. Komdu og taktu þátt í að finna strenginn á milli okkar. Með þrotlausum endurtekningum og rannsóknum er skoðað við hvernig hið mannlega brýst undan yfirborðskenndum samskiptum listamanna og áhorfenda. Strengir er sett upp í 8 rýmum Tjarnarbíós. Verkið stendur frá kl. 19:00 – 23:00 og áhorfendur...