Author: lensherra

Leikfélag Fjallabyggðar frumsýnir gamanleikinn Brúðkaup eftir Guðmund Ólafsson föstudaginn 17. október kl. 20.00 í Menningarhúsi Fjallabyggðar, Tjarnarborg. Guðmundur er einnig leikstjóri verksins. Síðasta verk Leikfélags Fjallabyggðar, Stöngin inn, var valin athyglisverðasta áhugaleiksýning leikársins 2012-13 en það verk var líka skrifað og leikstýrt af Guðmundi Ólafssyni. Frumsýning föstudaginn 17. októver kl. 20.00 2. sýning sunnudaginn 19. október kl. 20.00 3. sýning þriðjudaginn 28. október kl. 20.00 4. sýning föstudaginn 31. október kl. 20.00 5. sýning laugardaginn 8. nóvember kl. 20.00 6. sýning fimmtudaginn 13. nóvember kl. 20.00   Miðaverð kr. 3.000.- Aldraðir, öryrkjar og börn yngri en 14 ára kr....

Leikfélagið Baldur á Bíldudal vaknar úr nokkurra ára dvala núna á laugardag. Þá mun félagið frumsýna ameríska stykkið Rommí. Í aðalhlutverkum eru tveir af burðarásum félagsins í gegnum árin Hannes Friðriksson og Þuríður Sigurmundsdóttir. Bæði hafa þau starfað ötulega með félaginu síðustu áratugi. Hér er á ferðinni bráðhress gamanleikur en þó með alvarlegum undirtón. Leikstjóri verksins er Bílddælingurinn Elfar Logi Hannesson og er þetta í fyrsta sinn sem hann leikstýrir hjá félaginu. Gaman er að geta þess að hann hóf einmitt feril sinn með leikfélaginu Baldri í Félagsheimilinu Baldurshaga þar sem frumsýningin á Rommí fer fram. Rommí er eftir...

Félagarnir Eiríkur Stephensen og Hjörleifur Hjartarson í hljómsveitinni Hundur í Óskilum voru farnir að gæla við þá hugmynd að setja á svið gríðarstórt sjóv með 20 dönsurum og leikurum í tilefni af 20 ára afmæli sveitarinnar. Þeir neyddust hins vegar til að sníða sér stakk eftir vexti og nú trana þeir engum öðrum fram en sjálfum sér (enn eina ferðina) í glænýju leik- og tónverki sem kallast  Öldin okkar. Hundur í Óskilum er við sama heygarðshornið og í Sögu þjóðar, en spólar sig að þessu sinni í gegnum 21. öldina – þessi 14 ár sem liðin eru. Hundinum er náttúrlega ekkert íslenskt óviðkomandi; hann...

Óperan Don Carlo verður frumsýnd í Íslensku óperunni í Hörpu næstkomandi laugardag. Í aðalhlutverkum í þessu mikilfenglega stórvirki Giuseppe Verdi eru Jóhann Friðgeir Valdimarsson í titilhlutverkinu, Kristinn Sigmundsson í hlutverki Filippusar konungs, Hanna Dóra Sturludóttir í hlutverki Eboli prinsessu, Helga Rós Indriðadóttir í hlutverki Elisabettu drottningar og Oddur Arnþór Jónsson í hlutverki Rodrigo, en þau tvö síðastnefndu þreyta nú frumraun sína hjá Íslensku óperunni. Þess má ennfremur geta að rúmur áratugur er síðan Kristinn Sigmundsson kom síðast fram í óperuhlutverki hér á landi, en hann er einn þekktasti tónlistarmaður Íslands á erlendum vettvangi og kemur reglulega fram á fjölum...

Leikfélag Hörgdæla frumsýnir þann 16. október leikritið Verksmiðjukrónikan eftir Stefaníu Elísabetu Hallbjörnsdóttur og Sögu Jónsdóttur. Leikritið gerist á Akureyri um 1940.   Verkafólk á  verksmiðjunum stendur í verkfallsbaráttu, bretar eru komnir og miklar breytingar verða í bænum. Karlmenn eru uggandi yfir þeim áhrifum sem hermenn hafa  t.d. á ungu stúlkurnar og bretaþvottur er ekki öllum að skapi, margar skemmtilegar og sérstakar persónur líta þarna dagsins ljós. Leikritið byggir á ýmsum atburðum sem þær stöllur hafa lesið eða heyrt um en margt er fært í stílinn. Leikritið er ekki sagnfræðileg heimild. Frumsýnt verður 16. október að Melum í Hörgársveit, leikstjóri er...