Author: lensherra

Laugardaginn 14. janúar verður söngleikurinn Carmen frumsýndur á Stóra sviði Borgarleikhússins. Söngleikurinn Carmen er samstarfsverkefni Leikfélags Reykjavíkur og Íslenska dansflokksins, þar sem óperunni eftir Bizet er snúið í söngleik um ástir, afbrýði og hrikaleg örlög, sem ekki verða umflúin. Ásgerður Júníusdóttir leikur Carmen. Sveinn Geirsson leikur Don José og Erlendur Eiríksson Escamillo. Með önnur hlutverk fara Bergur Þór Ingólfsson, Birna Hafstein, Guðmundur Ólafsson, Kristjana Skúladóttir, Marta Nordal, Pétur Einarsson og Theodór Júlíusson. Einnig taka þátt í sýningunni átta dansarar Íslenska dansflokksins og 6 manna hlómsveit. Leikmynd og búningar: Helga I. Stefánsdóttir. Ljós: Lárus Björnsson. Hljóð: Ólafur Örn Thoroddsen. Leikgervi: Sigríður Rósa Bjarnadóttir. Handrit: Guðrún Vilmundardóttir. Söngtextar: Davíð Þór Jónsson, Frank Hall, Kristján Hreinsson, Sigríður Hagalín Björnsdóttir og Sjón. Tónlistarstjóri: Agnar Már Magnússon. Danshöfundur: Stephen Shropshire. Leikstjóri Guðjón Pedersen. Sýningin tekur um tvo tíma í flutningi, með 20 mínútna...

Fyrsti samlestur á nýju barnaleikriti sem Leikfélag Hafnarfjarðar hyggst setja á fjalirnar í mars nk. verður haldinn í húsnæði Leikfélags Hafnarfjarðar, í gamla Lækjarskóla við Skólabraut í Hafnarfirði þriðjudaginn 10. janúar kl. 20:00. Leikstjóri verksins er Ármann Guðmundsson. Mæting er öllum opinn og vill leikfélagið hvetja alla þá sem áhuga hafa á leiklist, tónlist, búningagerð, sviðsmyndasmíð eða góðum félagsskap að mæta og taka þátt í þessu ævintýri með okkur. Leikritið sem sett verður á svið er unnið upp úr barnabók eftir Ole Lund Kirkegaard og heitir á frummálinu Hodja fra Pjort. Bókin hefur verið komið út undir nafninu Hodja og Töfrateppið í  íslenskri þýðingu. Hér er um stórskemmtilegan efnivið að ræða og stefnir í hrífandi og skemmtilega...

Æfingar eru hafnar á Öskubusku eftir Rossini, sem frumsýnd verður í Íslensku óperunni 5. febrúar nk. Með aðalhlutverkin fara þau Sesselja Kristjánsdóttir, Garðar Thór Cortes, Bergþór Pálsson, Davíð Ólafsson, Hlín Pétursdóttir, Anna Margrét Óskarsdóttir og Einar Th. Guðmundsson. Hljómsveitarstjóri er Kurt Kopecky, leikstjóri er Paul Suter, sviðs- og búningahönnuður er Season Chiu og lýsingu hannar Jóhann Bjarni Pálmason. Öskubuska er reglulega á fjölum helstu óperuhúsa víðsvegar um heiminn, en þetta er í fyrsta skipti sem hún er sett upp hér á landi. Öskubuska og Rossini eru meginviðfangsefni næsta námskeiðs sem Vinafélag Íslensku óperunnar og Endurmenntun Háskóla Íslands standa fyrir í sameiningu og hefst 7. febrúar nk. Skráning á námskeiðið er hafin og er skráningarfrestur til og með 20. janúar. Þrjú fyrstu kvöld námskeiðsins verður fjallað um Rossini og Öskubusku og einstakir hlutar óperunnar teknir til nánari skoðunar, með hjálp tón- og mynddæma. Síðasta kvöldið verður farið á sýningu í Óperunni þar sem færi gefst á stuttu spjalli við nokkra af aðstandendum uppsetningarinnar. Kennari á námskeiðinu er Gunnsteinn Ólafsson...

Ákveðið hefur verið að opna Leiklistarspjallið að nýju óskráðum notendum. Þegar skipt var um vefumsjónarkerfi síðastliðið haust var ákveðið að krefjast skráningar notenda. Þessi breyting hefur því miður gert það að verkum að þátttaka í spjallinu hefur stórminnkað og því hefur eins og  áður er sagt, verið ákveðið að hafa það öllum opið. Eftir sem áður geta notendur nýtt sér kosti skráningar sem t.d. fela í sér að ný innlegg eru sérstaklega merkt og einnig er hægt að gerast áskrifandi að áhugaverðum þráðum.  Einnig virðist sem sumir notendur geri sér ekki grein fyrir ýmsum möguleikum sem í boði eru. Sem dæmi er hægt að skipta á milli þess að sýna spjallþræði annarsvegar sem tré og hinsvegar sem lista. Einnig má velja um að sýna elstu eða yngstu innlegg fyrst auk ýmissa annarra möguleika. Lesendur eru hvattir til að prófa sig áfram með þá möguleika sem í boði...

Janúarverkefni Hugleiks í Þjóðleikhúskjallaranum er gamanóperan Bíbí og blakan eftir þá Ármann Guðmundsson, Sævar Sigurgeirsson og Þorgeir Tryggvason. Verkið segir frá hinni ungu og fögru Bíbí sem bíður ein eftir að ástin sæki hana heim, en mál hennar vandast þegar tvo gesti ber að garði sömu nóttina: töfrandi en dularfullan rúmenskan nýbúa og ábúðarmikinn vampýruveiðara sem telur sig heldur en ekki vera kominn í feitt. Höfundarnir kjósa að kalla verkið "óperuþykkni", enda koma þar fyrir öll þau helstu atriði sem einkenna "alvöru" óperur, en á mun skemmri tíma en algengast er, sem ætti að henta sérlega vel tímabundnum nútímaáhorfendum. Bíbí og Blakan er langlífasta og víðförulasta sýning Hugleiks, og fagnar nú tíu ára afmæli sínu. Verkið var frumsýnt í Höfundasmiðju Leikfélags Reykjavíkur 1996, og seinna sama vor tekin til sýninga hjá Hugleik. Árið 2000 var sýningin fulltrúi Íslands á alþjóðlegri leiklistarhátíð í Litháen og var í framhaldinu boðið á aðra hátíð í Rússlandi af fulltrúum rússneska áhugaleikhússambandsins sem heilluðust mjög af sýningunni. Erlendri sigurgöngu Bíbíar (hingað til a.m.k) lauk síðan í Rudolstadt í Þýskalandi, þangað sem henni var boðið af þýskum leiklistarforkólfum eftir sýninguna í Rússlandi. Verkið hefur tekið talsverðum breytingum í áranna rás, og hafa höfundar notað tækifærið í hvert sinn sem nýtt ferðalag var á döfinni að breyta og bæta. Leikarar að þessu sinni eru þau Einar Þór Einarsson, Björn Thorarensen, Hulda B. Hákonardóttir, Silja B. Huldudóttir,...