Author: lensherra

Hjá Leikfélagi Akureyrar eru æfingar hafnar á Maríubjöllunni eftir Vassily Sigarev. Hér er um að ræða kraftmikið og átakanlegt nútímaverk sem vakið hefur mikla athygli þar sem það hefur verið sýnt. Leiksýningin verður fyrsta uppsetningin í nýju leikrými Leikfélags Akureyrar, sem enn hefur ekki hlotið nafn. Frumsýning verður 17. febrúar.  Maríubjallan gerist á einu kvöldi. Við fáum magnaða innsýn í líf persónanna, kynnumst sorgum þeirra og þrám. Í ömurlegum aðstæðum er að finna allt litróf mannlegra tilfinninga og hver um sig hefur fundið sína leið til að lifa af. Dima er 19 ára. Hann býr í blokk við hliðina á kirkjugarðinum, þaðan sem hann stelur legsteinum og selur. Á morgun hefur hann herþjónustu en í kvöld heldur hann vinum sínum kveðjupartý. Þangað koma vinir hans Slavik og Arkasha auk stúlknanna Leru og Yulka. Vassily Sigarev er talinn eitt fremsta leikskáld nýrrar kynslóðar í Evrópu og hefur hlotið fjölda verðlauna á síðastliðnum misserum, bæði í heimalandi sínu, Rússlandi sem og öðrum löndum. Leikstjóri er Jón Páll Eyjólfsson en hann var tilnefndur til menningarverðlauna DV í fyrra fyrir leikstjórn og gagnrýnandi Morgunblaðsins útnefndi hann „mann ársins í íslensku leikhúsi”. Hann setti upp leikritið Frelsi í Þjóðleikhúsinu í haust. Þýðandi er Árni Bergmann, leikmynd og búninga hannar Halla Gunnarsdóttir. Hallur Ingólfsson semur tónlist og hljóðmynd verksins og lýsing er í höndum Björns Bergsteins Guðmundssonar. Leikarar eru Álfrún Helga Örnólfsdóttir, Esther Thalía Casey,...

Komdu að leika! – Þriggja vikna leiklistarnámskeið LA stendur fyrir röð leiklistarnámskeiða í lok janúar og byrjun febrúar. Farið verður í undirstöðuatriði leiklistar en námskeiðið er byggt upp á leikjum, æfingum,spuna og trúðatækni.  Námskeiðin miðast að að virkja og efla ímyndunaraflið,  læra að nýta sér leynda hæfileika , finna ný sjónarhorn á daglegu amstri og umfram allt að skemmta sér.  LA stóð fyrir samskonar námskeiðum í fyrra og mæltust þau vel fyrir. Troðfullt var í alla hópa þá. Námskeiðin hefjast mánudaginn 30. janúar og þeim lýkur með sýningu fimmtudaginn 17. febrúar. Verð kr. 9000.- Hópur A:          8-9 ára                         mán og mið frá 16.00 – 17.30 Hópur B:          10-11 ára                     mán og mið frá 18.00 – 19.30 Hópur C:          12-13 ára                     þri og fim frá 16.00 –  17.30 Hópur D:          14-15 ára                     þri og fim frá. 18.00 – 19.30 Hópur E:          Fullorðinsnámskeið       mán og mið frá 20.30 – 22.00 Tekið er við fyrirspurnum og  skráningu á netfanginu:...

Leikfélagið Sokkabandið frumsýndi þann 15. janúar sl. leikritið Mindcamp í Hafnarfjarðarleikhúsinu. Það eru þeir Egill Heiðar Anton Pálsson og Jón Atli Jónasson sem leiða saman hesta sína í annað skipti í Hafnarfjarðarleikhúsinu með verkinu Mindcamp en Egill leikstýrði verki Jóns Atla, Rambo 7 sem sýnt var á Smíðaverkstæði Þjóðleikhússins sl. vor. Þessi sýning er unnin eftir „devised“ leikhúshefðinni þar  sem unnið er upp úr textum úr öllum áttum. Leikverkið Beðið eftir Godot sem fagnaði fimmtíu ára  afmæli á síðast ári skýtur upp kollinum í verkinu ásamt ýmsum fróðleik t.d. um hagfræði, tölfræði og sálfræði. Með hlutverk fara Jón Páll Eyjólfsson, Elma Lísa  Gunnarsdóttir, Þorsteinn Bachman og Arndís Egilsdóttir. Um tónlist sér Hallur Ingólfsson og hreyfingar Halla ...

Öskubuska og Rossini eru meginviðfangsefni næsta námskeiðs sem Vinafélag Íslensku óperunnar og Endurmenntun Háskóla Íslands standa fyrir í sameiningu og hefst 7. febrúar nk. Skráning á námskeiðið er hafin og er skráningarfrestur til og með 20. janúar. Þrjú fyrstu kvöld námskeiðsins verður fjallað um Rossini og Öskubusku og einstakir hlutar óperunnar teknir til nánari skoðunar, með hjálp tón- og mynddæma. Síðasta kvöldið verður farið á sýningu í Óperunni þar sem færi gefst á stuttu spjalli við nokkra af aðstandendum uppsetningarinnar. Kennari á námskeiðinu er Gunnsteinn Ólafsson tónlistarmaður.   Nánari upplýsingar um námskeiðið og skráning á vef Endurmenntunar...

Steypibaðsfélagið Stútur í samstarfi við Vesturport og Borgarleikhúsið frumsýnir fimmtudaginn 12. janúar leikritið Glæpur gegn diskóinu á Nýja sviði Borgarleikhússins, að leikskáldinu viðstöddu. Höfundur verksins, Gary Owen, þykir eitt af áhugaverðustu og bestu leikskáldum Breta í dag. Leikstjóri er Agnar Jón Egilsson. Það er laugardagskvöld, og þrír strákar reyna að skera á böndin sem hafa haldið aftur af þeim frá fæðingu, með hjálp (og hindrun) vímuefna, kvenfólks og ómótstæðilegrar tónlistar. Dauður köttur, diskókvöld sem aldrei átti sér stað, brjóstin á starfskonu tryggingastofnunar og hauslausar dúfur eru vendipunktar í þessu mannlega ferðalagi um karlmennskuna. Steypibaðsfélagið Stútur samanstendur af bekkjarbræðrum úr leiklistarskólunum, útskrifaðir árið 1998. Steypibaðsfélagið Stútur var stofnað haustið 1994 í Leiklistarskóla Íslands. Stofnfundurinn var haldinn bakvið sturtuhengið í útjaskaða búningaherbergi piltanna. Vatnsflaumurinn æddi niður úr gamaldags blöndunartækjunum, móðan settist á rúðurnar, vatnsheldu pókerspilin voru dregin upp úr plastpoka, ásamt spilapeningum sem voru yfir 40% í áfengismagni. Niðurstaðan af fundum SbfS var ætíð sú að enginn væri Steypibaðsfélaginu fremri og byrjað var að leita verkefnis sem hentaði því á fjölum leikhúsanna. Leitað var alla skólagönguna að verki sem hentaði þessum mætu drengjum. Hugmyndir voru ræddar, allt frá götuleikhúsi á ferðalagi í gegnum Evrópu til pólitískra söngleikja á Metrópólitan í Stóra Eplinu. Fjórum námsárum seinna og sjö árum, á misgóðum launum hjá hinum og þessum leikfélögum, kom Stjórnarformaðurinn af sturtugólfinu heim úr leikhúsferðalagi í útlöndum með leikrit í farteskinu sem vert...