Author: lensherra

Ormstunga/Ástarsaga í Borgarleikhúsinu

Ormstunga/Ástarsaga, leikverk byggt á Gunnlaugs sögu Ormstungu eftir óþekkta konu eða mann í leikgerð Benedikts Erlingssonar og Halldóru Geirharðs, verður frumsýnt þann 8. febrúar á Nýja sviði Borgarleikhússins. Gunnlaugs saga er saga um ástir og afbrýði. Fyrsti og langfrægasti ástarþríhyrningur heimsbókmenntanna. Þar er rakin saga skáldsins Gunnlaugs Ormstungu frá Hvítársíðu, Helgu fögru úr Borgarnesi og Hrafns Önundarsonar úr Mosfellssveit. Leikstjóri er Peter Engkvist. Blóðugur harmleikur þar sem tvinnast saman mikið ofbeldi, mikil ást og vísnagerð. Þótt sagan sé eftir óþekkta konu eða mann er hún samt lesin í grunnskólum landsins og ættu því að vera sem flestum kunn. Leiksýningin...

Sjá meira

Macbeth og Jónsmessunótt kveðja

Tvær sýningar, sem hafa vakið mikla athygli og fengið frábærar viðtökur, verða sýndar í Þjóðleikhúsinu í síðasta sinn nú um helgina. Um er að ræða Macbeth eftir Shakespeare í leikstjórn Benedicts Andrews og Jónsmessunótt eftir Hávar Sigurjónsson í leikstjórn Hörpu Arnardóttur. Síðustu sýningar á Macbeth eru 1. og 2. febrúar en síðasta sýning á Jónsmessu nótt þann 3. febrúar. Sýning Benedicts Andrews á Macbeth hefur þótt sæta miklum tíðindum, enda er Andrews einn af fremstu leikstjórum sinnar kynslóðar og hann vinnur hér með íslensku listafólki í fremstu röð. Hann hefur unnið til fjölda verðlauna á alþjóðlegum vettvangi, og hlaut...

Sjá meira

Nemendafélag Borgarholtsskóla sýnir Grimmd

Leikfélag Borgarholtsskóla frumsýnir þann 8. febrúar leiksýninguna Grimmd sem er byggt á hryllilegustu og blóðugustu Grimms ævintýrunum, eins og þau voru upphaflega skrifuð – sem er ávísun á martraðir! Með samvinnu bjó hópurinn handritið til upp úr þremur sögum undir handleiðslu leikstýrunnar Jenný Láru Arnórsdóttur. Nemendur skólans sjá um að vinna allar hliðar leiksýningarinnar; hönnun, markaðssetningu, búninga, smink, leikmuni, tónlist, lýsingu og hljóðmynd. Blóðið mun spýtast í allar áttir, líkamspartar munu fljóta um, höfuð fjúka, velsæmiskenndin flýja út um gluggann, hjartað taka kipp og kalt vatn renna þér á milli skinns og hörunds þegar Leikfélag Borgarholtsskóla opnar dyrnar fyrir...

Sjá meira

Freyvangsleikhúsið frumsýnir Dagatalsdömurnar

Þann 1. febrúar mun Freyvangsleikhúsið frumsýna leikritið Dagatalsdömurnar eða Calendar girls eftir Tim Firth. Verkið er gamanleikrit og var valið besta gamanleikritið í London árið 2010. Þetta er í fyrsta skipti sem verkið er sett upp á Íslandi og fékk leikfélagið Davíð Þór Jónsson til að skella því yfir á íslensku. Leikstjóri er svo hin gamalreynda Sigrún Valbergsdóttir. Verkið er byggt á sannsögulegum atburðum sem gerðust í London árið 1999. Kvennfélagskonur taka sig saman og ákveða að gera dagatal með fallegum myndum af sjálfum sér, fáklæddum. Dagatalið ætla þær síðan að selja til að safna fyrir sófa á krabbameinsdeildina...

Sjá meira

Sýningar hefjast að nýju á Með fulla vasa af grjóti

Sýningar á tvíleiknum Með fulla vasa af grjóti hefjast að nýju á Stóra sviði Þjóðleikhússins á fimmtudagskvöldið, en sýningin gekk þar fyrir fullu húsi í haust, þar til gera þurfti hlé á sýningum vegna annarra anna leikara. Tekið var forskot á sæluna með tveimur sýningum á Akureyri um liðna helgi, og er skemmst frá því að segja að Norðlendingar tóku þessari frábæru sýningu með kostum og kynjum og fylltu Samkomuhúsið. Sýningin fékk afbragðs viðtökur áhorfenda og gagnrýnenda þegar hún var frumsýnd á Stóra sviðinu þann 15. september síðastliðinn, rétt eins og þegar hún var fyrst sýnd í Þjóðleikhúsinu í...

Sjá meira