Author: lensherra

Styrkir til atvinnuleikhópa 2013

Mennta- og menningarmálaráðuneyti hefur að fenginni tillögu leiklistarráðs úthlutað styrkjum til atvinnuleikhópa árið 2013. Alls sóttu 73 aðilar um styrki til 82 verkefna. Þá bárust 4 umsóknir um samstarfssamning til lengri tíma og 4 umsóknir um rekstrarstyrki. Á fjárlögum 2013 eru 89,8 milljónir króna á fjárlagaliðnum „Styrkir til starfsemi atvinnuleikhópa“ en voru á síðasta ári 71,2 milljónir króna. Hækkunin stafar af framlagi frá fjárfestingaráætlun ríkisstjórnarinnar. Í leiklistarráði eru Guðrún Vilmundardóttir formaður, skipuð án tilnefningar, Sveinbjörg Þórhallsdóttir tilnefnd af Leiklistarsambandi Íslands og Hilmar Jónsson tilnefndur af Bandalagi sjálfstæðra leikhúsa. Eftirtalin verkefni hlutu styrki: Aldrei óstelandi – Lúkas: 6.600.000 kr.Asikli Hoyuk...

Sjá meira

Hjólastólasveitin í Gaflaraleikhúsinu

Miðvikudaginn 13. febrúar kl. 20.30 mun uppistandsgengið Hjólastólasveitin ganga af göflunum í Gaflaraleikhúsinu. Tilgangur félagsins er að skemmta fólki með uppistandi víðs vegar, innan lands sem utan. Vekja athygli á málefnum hreyfihamlaðra og annarra fatlaðra í samfélaginu og efla heilsu allra landsmanna með hlátri. Hjólastólasveitina skipa þau Ágústa Skúladóttir, Ása Hildur Guðjónsdóttir, Kolbrún Dögg Kristjánsdóttir, Guðríður Ólafsdóttir, Örn Sigurðsson, Elva Dögg Gunnarsdóttir og Leifur Leifsson. Sveitin hefur komið fram vítt og breytt um landið. Flestar uppákomur hafa  verið teknar upp, með það að markmiði að safna efni í kynngimagnaða heimildarmynd um ferðir sveitarinnar og þau skrautlegu ævintýri sem hún...

Sjá meira

Grease í Vestmannaeyjum

Leikfélag Vestmannaeyja hefur hafið æfingar á stórsöngleiknum Grease í leikstjórn Ágústu Skúladóttur, en félagið undirritaði samning við Nordiska ApS um sýningarétt á verkinu í nóvember síðastliðinn. Almennar æfingar hófust mánaðarmótin janúar/febrúar, en dansæfingar hófust fyrir áramót og ganga þær mjög vel. Stór hópur kemur að sýningunni eða um 35 til 40 manns. Höfundar verksins eru Jim Jacobs og Warren Casey, en Veturliði Guðnason sá um þýðingu. Aðalhlutverk eru í höndum Emmu Bjarnadóttur sem leikur Sandy, Ævars Arnar Kristinssonar sem leikur Danny, Sunnu Guðlaugsdóttur sem leikur Rizzo og Zindra Freys Ragnarssonar sem leikur Kenickie. Stefnt er að því að  frumsýna...

Sjá meira

Tengdó – Sigurvegari Grímunnar 2012 snýr aftur

Tengdó – Sönn saga um leitina að sannleikanum, snýr aftur á fjalir Borgarleikhússins 7. febrúar. Í Tengdó birtist sönn saga ástandsbarns sem leitar föður síns áratugum saman. Við fylgjumst með djúpstæðri þrá barnsins til að kynnast uppruna sínum en um leið er horft gagnrýnum augum á íslenskt samfélag. Í sögunni takast á gleði og sorg því leitin að sannleikanum er í senn falleg og þyrnum stráð. Tengdó er samstarfsverkefni Borgarleikhússins og CommonNonsense. Tengdó snerti áhorfendur og gagnrýnendur djúpt á síðasta leikári, var ótvíræður sigurvegari á Grímuhátíðinni í vor og snýr því aftur á fjalirnar núna. Sýningin er óvenjulega persónuleg...

Sjá meira

Halaleikhópurinn frumsýnir Rympu á ruslahaugnum

Halaleikhópurinn setur um þessar mundir á svið fjölskylduleikritið Rympa á ruslahaugnum í leikstjórn Herdísar Rögnu Þorgeirsdóttur. Frumsýnt verður sunnudaginn 10. febrúar, í Halanum, Hátúni 12. Höfundur verksins er Herdís Egilsdóttir kennari, sem kenndi lengst af við skóla Ísaks Jónssonar. Herdís hefur gefið út heilmikið af bókum, sjónvarpsefni og leikritum fyrir börn. Hún hefur hlotið ótal viðurkenningar og verðlaun fyrir starf sitt og rithöfundarferil. Þetta er sýning með tónlist og söngvum, fyrir börn á öllum aldri. Leikritið fjallar um Rympu sem býr á ruslahaugnum. Hún er frekar ófyrirleitin og hagar lífi sínu ekki alltaf eftir lögum og reglu og er...

Sjá meira