Author: lensherra

Leikfélag Akureyrar frumsýnir þann 29. september 323. sviðsetningu félagsins. Verkið er nýtt íslenskt sviðsverk eftir Hund í óskilum sem ber titilinn Kvenfólk. Dúettinn Hund í óskilum skipa þeir  Hjörleifur Hjartarsson og Eiríkur Stephensen, en þeir eru bæði höfundar og flytjendur verksins, þeir eru þó ekki alveg einir á báti heldur njóta fulltingis  kvennahljómsveitar í sýningunni. Í Kvenfólk fara þeir Hjörleifur og Eiríkur  á hundavaði yfir kvennasöguna undir leikstjórn Ágústu Skúladóttur.  Sýningin verður sýnd  í október og nóvember í Samkomuhúsinu. Um Hund í Óskilum Hundur í óskilum er margrómaður og verðlaunaður dúett sem er leikhúsgestum að góðu kunnur fyrir leiksýningar sínar Sögu þjóðar sem hlaut Grímuverðlaunin árið 2012...

Leikfélagið Hugleikur í Reykjavík hefur fest kaup á nýju húsnæði að Langholtsvegi 109 undir starfsemi sína. Ætlunin er að nýta nýja húsnæðið sem félags-, æfingar- og -geymsluaðstöðu en einnig er horft til þess að þar megi sýna minni sýningar. Fyrsti opinberi viðburðurinn í nýja húsnæðinu er framhaldsaðalfundur sem haldinn verður fimmtudagskvöldið 28. september kl. 20 og eru allir áhugasamir velkomnir, hvort sem þeir hafa starfað með félaginu eða hafa hug á að gera það í framtíðinni. Á meðal þess sem gert verður á fundinum er að kynna starfsemi vetrarins en ætlunin er að halda uppi fjölbreyttri starfsemi í...

Leikfélag Akureyrar býður til dansvinnusmiðju fyrir stelpur á aldrinum 12-16 ára, leiðbeinandi er Ásrún Magnúsdóttir, danshöfundur. Aðspurð segir Ásrún: „Vinnusmiðjan er sprottin úr danssýningunni GRRRRRLS sem sló í gegn í Reykjavík síðasta vetur. Í sýningunni tók hópur unglingsstúlkna yfir sviðið og lét rödd sína heyrast og ljós sitt skína. Nú verður unnið með svipaðar aðferðir og voru notaðar í sýningunni.“ En hvernig fer svona vinnusmiðja fram? „Við ætlum að dansa saman, syngja saman, tala saman, hlusta á tónlist saman og bara hanga saman.“ svarar Ásrún og bætir við „við ætlum að reyna að svara spurningum einsog; Hvað þýðir samstaða...