Author: lensherra

Landinn, þáttur á RUV um lífið í landinu, fer um víða og hittir fólk sem er að gera áhugaverða og skemmtilega hluti. Í næsta þætti, sunnudaginn 5. nóvember, verður m.a. sýnt frá heimsókn í Leiklistarskóla Bandalags íslenskra leikfélaga sem starfræktur var í Reykjaskóla í Hrútafirði í júní s.l. Þátturinn hefst kl. 19.45.  Ekki missa af þessu! Hér má sjá kynningu á þættinum....

Leikfélag Selfoss frumsýnir leikverkið Vertu svona kona í leikstjórn Guðfinnu Gunnarsdóttur þann 3. nóvember í Litla leikhúsinu við Sigtún. Sýningin markar upphaf 60 ára afmælisárs Leikfélagsins sem stofnað var 9. janúar 1958. Sýningin er sameiginleg sköpun leikstjórans, leikhópsins og hins skapandi teymis. Öll tónlist og hljóðmynd er í höndum Kristjönu Stefánsdóttur, leikmyndahönnuður er María Marko og um ljósahönnun sér Benedikt Axelsson. Viðfangsefni verksins er konan í sögunni og sagan í konunni. Hvað þýðir það að vera kona? Verkið snertir á hinum ýmsu hliðum konunnar; stelpunni, ástinni, vináttunni, kröfunum, þörfunum, ævintýrunum, ellinni og dauðanum. Það fléttar saman sögur úr bókinni Góð...

Leikfélag Akureyrar býður uppá trúðanámskeið fyrir fullorðna án endurgjalds helgina 11. og 12. nóvember. Námskeiðið ber titilinn Trúðboð og er byrjendanámskeið í trúðatækni fyrir alla sem hafa náð 18 ára aldri. Markmið námskeiðsins er að hver og einn þátttakandi nái að “fæða” sinn trúð og kynnast honum betur. Trúðurinn hefur alltaf kærleikann í fyrirrúmi. Hann segir alltaf satt og gerir allt út frá einlægni og opnu hjarta. Á námskeiðinu verður farið í grunnreglur trúðsins. Þátttakendur munu þróa og vinna með trúðinn sinn í gegnum spuna og leiki. Trúðatæknin nýtist bæði í leik og starfi – ekki bara leikurum heldur getur...

Jólaævintýrið um Augastein mætir aftur á fjalirnar í Tjarnarbíói á aðventunni en sýningin hefur slegið í gegn 15 ár í röð og á orðið frábæran aðdáendahóp. Verkið byggir á sögunum um sveinstaulana þrettán, syni Grýlu og Leppalúða, sem áttu það til að hrella fólk um jólaleytið, en í ævintýri leikhópsins er það drengurinn Augasteinn sem allt snýst um. Hann lendir fyrir tilviljun í höndum jólasveinanna hrekkjóttu, sem vilja ólmir taka hann að sér, en þegar Grýla kemst á snoðir um tilvist hans æsist leikurinn. Ná jólasveinarnir að bjarga Augasteini úr klóm Grýlu og jólakattarins áður en jólin ganga í garð?...