Author: lensherra

Freyvangsleikhúsið setur nú upp leikritið Þrek og tár, eitt af ástsælustu verkum Ólafs Hauks Símonarsonar. Leikstjóri er Ólafur Jens Sigurðsson og tónlistarstjóri Ingólfur Jóhannsson. Í upphafi verksins hittum við Davíð, ungan og hæfileikaríkan tónlistarmann, sem snýr aftur heim til Íslands eftir nám erlendis og hann tekur okkur í ferðalag til liðinna tíma. Við göngum inn í minningar hans um Reykjavík við upphaf sjöunda áratugarins og gleðjumst og syrgjum með fjölskyldu hans í lífi og starfi, vinum þeirra og nágrönnum sem hver og einn á sína sögu. Tónlistin er í hávegum höfð í fjölskyldunni og hér hljóma lög eins og Þrek...

Gaflaraleikhúsið frumsýndi 4 febrúar leikritið Í skugga Sveins eftir Karl Ágúst Úlfsson. Verkið er fyndinn, spennandi og rammíslenskur gamansöngleikur, fullur af sprelli og kostulegum persónum – fjörugt og nútímalegt verk sem byggir á rótgróinni hefð. Leikarar í sýningunni eru Karl Ágúst Úlfsson sem margir muna eftir úr Spaugstofunni, Góða Dátanum Svejk og Umhverfis jörðina á 80 dögum, Kristjana Skúladóttir leikkona og söngkona sem hefur t.a.m gert garðinn frægan í Krakka RÚV  og Eyvindur Karlsson, sem bæði lék í Góða dátanum Svejk og samdi tónlistina. Ágústa Skúladóttir er leikstjóri en hún hefur leikstýrt fjölda vinsælla leikverka, t.a.m. Ævintýrum Múnkhásens í Gaflaraleikhúsinu, Línu Langsokk í Borgarleikhúsinu, Umhverfis jörðina á...

Stjórn Bandalags íslenskra leikfélaga hefur tilnefnt sýningu Leikfélags Kópavogs, Svarti kassinn eftir Hrefnu Friðriksdóttur í leikstjórn Ágústu Skúladóttur, sem framlag okkar Íslendinga á leiklistarhátíð NEATA (norður-evrópska áhugaleikhúsráðsins) í Litháen næsta sumar. Leiklistarhátíðir NEATA eru haldnar annað hvert ár, til skiptis í aðildarlöndunum sem eru norðurlöndin ásamt Eistlandi, Lettlandi og Litháen. NEATA á 20 ára afmæli í ár en það var stofnað í Noregi 1998. Svarti kassinn er frumsamið leikverk, sem var frumsýnt af Leikfélagi Kópavogs föstudaginn 28. apríl 2017 í Leikhúsinu við Funalind. Verkefnið er samsköpunarverkefni í leikstjórn Ágústu Skúladóttur og var það í vinnslu með hléum frá því...

Laugardaginn 3. febrúar frumsýndi Leikdeild ungmennafélags Biskupstungna í Aratungu gamanleikritið Sálir Jónanna ganga aftur eftir þær Ingibjörgu Hjartardóttur, Sigrúnu Óskarsdóttur og Unni Guttormsdóttur. Hjalti Gunnarsson og Íris Blandon fara með aðalhlutverkin en leikarar eru 10 talsins. Leikstjórn er í höndum Gunnars Björns Guðmundssonar og er þetta í 9 skiptið sem hann leikstýrir hjá Leikdeildinni. Æfingar hafa gengið mjög vel og mikil stemmning verið á æfingum. Mikið hlegið og er nokkuð víst að um fjörugan gamanleik er að ræða. Leikritið er harmþrungin, siðferðisleg þjóðfélagádeila. Grallaraleg leikgerð á þjóðsögunni alkunnu um kerlinguna og sálina hans Jóns hennar. Í þessari útgáfu eru...