Author: lensherra

Val á Athyglisverðustu áhugaleiksýningu ársins verður tilkynnt á aðalfundi BÍL um næstu helgi. Að þessu sinni sóttu 15 félög um með 17 leiksýningar: Freyvangsleikhúsið og Leikfélag Hörgdæla: Gaman saman Freyvangsleikhúsið: Lína Langsokkur Halaleikhópurinn: Ástandið Leikdeild Umf. Skallagríms: Fullkomið brúðkaup Leikdeild Umf. Stafholtstungna: Rympa á ruslahaugnum Leikdeild Ungmennafélags Gnúpverja: Nanna systir Leikfélag Dalvíkur: Heilmikið sokka sokk Leikfélag Hofsóss: Gullregn Leikfélag Húnaþings vestra: Snædrottingin Leikfélag Húsavíkur: Bar Par Leikfélag Hveragerðis: Tveir Tvöfaldir Leikfélag Mosfellssveitar: Blúndur og blásýra Leikfélag Mosfellssveitar: Narnía Leikfélag Sauðárkróks: Fylgd Leikfélag Sólheima: Leitin að sumrinu Leikfélagið Borg: Rjúkandi ráð Leikflokkur Húnaþings vestra: Hárið Fulltrúi valnefndar Þjóðleikhússins mun tilkynna...

Leikfélag Sauðárkróks frumsýnir Fylgd, frumsamið leikrit Guðbrands Ægis Ásbjörnssonar sem einnig leikstýrir verkinu, sunnudaginn 28. apríl. Nafnið er skírskotun í þjóðþekkt lag og ljóð en auk þess er í leikritinu fjöldi laga skagfirskra höfunda, sem sérstaklega voru samin fyrir uppsetninguna. Höfundur segir um verkið: „Fylgd, af því að lagið, sem er eftir Didda fiðlu (Sigurð Rúnar Jónsson) og ljóðið, sem Guðmundur Böðvarsson samdi, kveikti hjá mér hugmyndina um leikverkið. Formaður leikfélagsins kom að máli við mig fyrir nokkrum árum og hvatti mig til þess að semja verk fyrir félagið. Ég var búinn að vera að hugsa um leikritasmíð í...

Í ár setur Sólheimaleikhúsið upp skemmtilega sýningu sem fjallar um hann Jón sem þekkir ekki annað en eilíft sumar. Dag einn fara skrýtnar persónur að ryðjast inn í líf hans, hver á fætur annarri og skipta um árstíðir. Jón er í fyrstu alls ekki sáttur við þessar breytingar, en lærir smám saman að hver árstíð hefur sína kosti og galla. Höfundar eru leikstjórinn Guðmundur Lúðvík Þorvaldsson ásamt Ástþóri Ágústsyni og Magnúsi Guðmundssyni og tónlistina semur Hallbjörn V. Rúnarsson forstöðuþroskaþjálfi á Sólheimum. Rúmur helmingur íbúa og starfsmanna Sólheima koma á einhvern hátt að sýningunni. Þessi sýning, eins og aðrar, hjá Leikfélagi Sólheima er...

Árið er 1967 og hipparnir í New York ætla sér að breyta heiminum. Þau eru villt, frjáls og sameinuð í mótmælum og söng, í skugga Víetnamsstríðsins. Leikflokkur Húnaþings vestra frumsýnir hinn heimsþekkta söngleik Hárið annað kvöld, miðvikudagskvöldið 17. apríl. Þátttakendur í sýningunni eru 41 alls, allt heimafólk að undanskilinni Cassy Newby sem kemur frá London en hún hefur séð um dansa ásamt leikstjóranum, Sigurði Líndal Þórissyni. Æfingar hafa staðið yfir frá því í desember sl. Þátttakendur eru á aldrinum 15-67 ára. Til gamans má nefna í kór og danshópnum eru mæðgurnar Kristín Guðmundsdóttir og Sunneva Þorvaldsdóttir. Kórstjórar eru Ólafur Rúnarsson og...