Author: lensherra

Leikfélagið Sýnir sýnir leikritið Máfinn eftir Anton Tjekhof. Leikstjóri er Guðjón Þorsteinn Pálmarsson, Denni, en hann leikstýrði einnig uppsetningu leikfélagins á Stútungasögu í Heiðmörk fyrir tveimur árum. Sýningum fer að ljúka, en aðeins eru eftir tvær sýningar, fimmtudagurinn 10. ágúst klukkan 19:00 í Elliðaárdal laugardagurinn 12. ágúst klukkan 17:00 á Dalvík – Fiskideginum mikla, sýnt í Hánefsstaðareit í Svarfaðardal Leikhópurinn hefur æft síðan 20. júní og hefur nálgast leikritið sem hæfilega blöndu af tragedíu og kómík í leit sinni að kjarnanum en hann snýst meðal annars um hvað það er sterkt í mannskepnunni að halda að grasið sé alltaf grænna hinu megin. Í helstu hlutverkum eru Júlía Hannam sem Arkadína, Halldór Magnússon sem Trígorín, Guðmundur Lúðvík Þorvaldsson sem Tréplev, Aldís G. Davíðsdóttir sem Nína og Rúnar Lund sem Sorin. Aðrir leikarar eru Gísli Björn Heimisson, Sigsteinn Sigurbergsson, Anna Bergljót Thorarensen, Dýrleif Jónsdóttir, Ármann Guðmundsson, Arnar Ingvarsson, Hörður Skúli Daníelsson og Ásta Gísladóttir. Um tónlistina í sýningunni sér blokkflautukvartett undir stjórn Snæbjarnar Ragnarssonar, Bibba, en hefur m.a. samið tónlist fyrir Hugleik, Leikfélag Kópavogs og Leikfélag Hafnarfjarðar við góðan orðstír. Um búninga sér Kristín Gísladóttir. Leikritið er sýnt í stóra rjóðrinu í hólmanum en farið er göngustíginn frá Rafveituheimilinu, yfir bogabrúna og er þá komið að rjóðrinu. Áhorfendur eru hvattir til þess að taka með sér púða og/eða teppi og gott er að taka ferðastól með ef fólk getur ekki setið...

Artfart – sviðslistahátíð fer fram dagana 10. – 20. ágúst næstkomandi. Hátíðin er tilraunavettvangur ungs listafólk með það að markmiði að stuðla að nýsköpun og framúrstefnu í íslenskri sviðlist. Að hátíðinni standa 8 hópar sem allir hafa það sameiginlegt að spyrja spurninga um tilgang og markmið sviðslista á Íslandi og tenginngu þeirra við aðrar listir og fræðigreinar, s.s. myndlist og menningarfræði. Þáttakendur eru nær allir listnemar. Boðið verður upp á átta verk á hátíðinn og er óhætt að segja að efniviður sýninganna sé mjög fjölbreyttur. Til að mynda er aðeins eitt verk sem er ekki unnið frá grunni af hópnum og má auðveldlega líta á sumar sýninganna sem lifandi innsetningar. Hér er því um að ræða tilraunir í leiklist og danslist sem lögnu eru orðnar tímabundar og nauðsynlegar fyrir framþróun sviðslista á Íslandi. Miðaverði er haldið í lágmarki og kostar 500 kr. inn á hverja sýningu og hægt er að kaupa passa á allar sýningarnar á 2500 kr. Miðsölusími er 824 8870 (Athuga ber að sérstakt verð er á sýninguna Penetreitor). Hér fyrir neðan má sjá dagskrá yfir atburði hátíðarinnar. Allar sýningar fara fram í gamla Ó. Johnsen og Kabber húsinu við Sæbraut. Fimmtudagur 10. ágúst: Hópur: Íslenska hreyfiþróunarsamsteypan – Sýning: Meyjarheftið, kl 20:00 FRUMSÝNING Hópur: Saga – Sýning: Billy Boy, kl. 21:30 FRUMSÝNING Hópur: Vér Morðingjar – Sýning: Penetreitor (ATH: sýnt í Grandagörðum 8, miðaverð 2000 og ágóði...