Author: lensherra

Vinna er nú hafin af fullum krafti við tæknilega eina mest krefjandi sýningu Þjóðleikhússins fyrr og síðar, en það er söngleikurinn Leg eftir Hugleik Dagsson. Undirbúningur hefur staðið yfir frá því í haust, en æfingar hófust af fullum krafti nú eftir áramótin. Verkið verður frumsýnt á stóra sviði Þjóðleikhússins 8. mars næstkomandi, en boðið verður upp á forsýningar á kjarakjörum fim. 1., fös. 2. og lau. 3. mars. Miðinn kostar einungis 1500 krónur. Í tengslum við sýninguna býður fræðsludeild Þjóðleikhússins upp á ókeypis námskeið fyrir þá sem tryggja sér miða á forsýningu fyrir þriðjudaginn 6. febrúar. Tíminn er því...

Ungmennafélagið Máni í Nesjum á hundrað ára afmæli í ár. Í tilefni af því setur leikhópur félagsins upp stórsýningu í samstarfi við Leikfélag Hornafjarðar. Félögin frumsýna söngleikinn Fiðlarann á þakinu föstudaginn 2. febrúar. Leikstjóri sýningarinnar er Ingunn Jensdóttir. Ingunn er Hornfirðingum að góðu kunn því er hún bjó þar á árum áður setti hún upp sýningar bæði hjá Leikfélagi Hornafjarðar og Leikhóp Mána. Milli 50 og 60 manns koma að sýningunni. Tónlistarstjórn er í höndum Jóhanns Morávek en hann stjórnar og spilar með 5 manna hljómsveit sýningarinnar. Söng- og kórstjórn er í höndum Kristínar Jóhannsdóttur. Lýsingu hannaði Benedikt Þór...

Hugleikur og Leikfélag Kópavogs hafa nú hafið samstarf í annað sinn. Hafnar eru æfingar á verkinu Bingó eftir Hrefnu Friðriksdóttur. Leikstjóri er Ágústa Skúladóttir. Þetta er frumuppfærsla verksins. Í leikritinu Bingó sameinast fimm manneskjur við þá heimsþekktu dægradvöl að spila bingó. Þau bregðast við þeim tölum sem koma upp og rifja upp lífið sitt. Spurningin er: Ef þú vandar þig eins og þú getur muntu þá örugglega vinna – eða skiptir engu máli hvað þú gerir? Dreymir ekki alla um að vinna stóra vinninginn? Um tónlist í verkinu sjá Sváfnir Sigurðarson og Ágústa Eva Erlendsdóttir og áætluð frumsýning er...

Möguleikhúsið hefur nú hafið sýningar á hinu vinsæla barnaleikriti “Langafa prakkara” sem byggt er á sögum Sigrúnar Eldjárns. Leikritið var fyrst sýnt á vegum Möguleikhússins á árunum 1999 til 2001 og urðu sýningar þá rúmlega 150 talsins. Bækur Sigrúnar Eldjárns um Langafa prakkara hafa um árabil notið mikilla vinsælda meðal yngstu lesendanna. Í þessari leikgerð er stuðst við bækurnar Langafi drullumallar og Langafi prakkari. Í leikritinu segir frá lítilli stúlku, Önnu, og langafa hennar. Þó langafi sé blindur og gamall er hann alltaf tilbúinn að taka þátt í einhverjum skemmtilegum uppátækjum með Önnu litlu. Hann passar hana alltaf á...