Author: lensherra

Stúdentaleikhúsið sýnir þessa dagana leikritið EXAMINASJÓN. Verkið er byggt á sagnabálknum The Bottom Inspectors, en það eru sögur sem birtast í hinu virta sorptímariti VIZ sem gefið er út á Bretlandseyjum. Verkið er sýnt í Kartöflugeymslunum í Átrúnsbrekku. Guðjóns Þorsteinn Pálmarsson, betur þekktur sem Denni, leikstýrir og um tónlistarstjórn sér Snæbjörn Ragnarsson, betur þekktur sem Bibbi. Þetta er í fjórða sinn sem þeir leiða hesta sína saman inn á leiksviðið og í annað sinn sem þeir vinna úr efnivið VIZ-sagnanna. Hin margrómaða sýning Allra Kvikinda Líki, sem sett var upp hjá Leikfélagi Kópavogs árið 2005 var einmitt unnin upp...

Þjóðleikhúsið kynnir sérstæða franska gestasýningu Etabl´île í Kúlunni á mánudagskvöldið 16. apríl kl. 20.00. Aðeins er um þessa einu sýningu í Þjóðleikhúsinu að ræða og því fágætt tækifæri fyrir leikhúsáhugafólk en Turak hópurinn undir stjórn Michael Laubu hefur getið sér gott orð víða um heim. Hér er á ferðinni sérstæð leiksýning einskonar ævintýraferð um töfraveröld þar sem ómælisvídd ímyndunaraflsins ræður ríkjum í sýningu sem er mitt á milli þess að vera brúðuleikhús og leikhús hlutanna. Sumir hafa viljað kalla leikhús af þessu tagi “víðavangsleikhús”. Michel Laubu er einkar ötull tilraunamaður í leikhúsi en hann semur og leikstýrir verkum Turak...

Laugardaginn 14. apríl n.k hefjast í Kúlunni í Þjóðleikhúsinu sýningar á brúðuleikritinu um Mjallhvíti í uppfærslu brúðuleikhússins 10 fingra sem Helga Arnalds stjórnar. Hér er á ferðinni sagan sígilda um Mjallhvíti og dvergana sjö eins og við þekkjum hana flest en í sýningunni leiðir sögukonan, Helga Arnalds börnin í gegnum hana á nokkuð óvenjulegan hátt með töfrabrögðum, myndskyggnum, brúðum, grímum og söng.  Helga Arnalds hlaut menntun sína í leikhúsháskólanum Instituto del Teatro í Barcelona og í leikhúsháskólanum DAMU í Prag. Hún stundar nú nám við Listaháskóla Íslands í myndlist. 10 fingur er eins manns ferðaleikhús sem var stofnað árið...

Leikfélagið Hugleikur og Leikfélag Kópavogs hafa sameinað krafta sína og setja nú upp leikritið Bingó eftir Hrefnu Friðriksdóttur í leikstjórn Ágústu Skúladóttur. Í leikritinu Bingó hittast fimm manneskjur reglulega og spila Bingó. Eins og leikurinn er í eðli sínu einfaldur og segir sig nánast sjálfur, er eitthvað með tölurnar sem tengir okkur nánar persónum verksins, ekki ósvipað og tölurnar gera sig í Lost á mánudagskvöldum. Persónurnar bregðast við þeim tölum sem bingóstjórinn kallar upp, berast fram og aftur í tíma og leynt og ljóst er takmarkið bundið við stóra vinninginn. Hefur þú bragðað Bingóte? Séð Bingóbók? Dreymir þig stóra...

Skagaleikflokkurinn frumsýnir Sölku Völku eftir skáldsögu Halldórs Laxness miðvikudaginn 4. apríl. Leikstjórn er í höndum Ingu Bjarnason sem vann leikgerð verksins í samvinnu við leikhópinn. Leikgerðin byggir á leikgerð Hilmars Jónssonar annarsvegar og Stefáns Baldurssonar og Þorsteins Gunnarssonar hinsvegar. Í þessari leikgerð er meira lagt upp úr lífi Sölku Völku en í hinum tveimur.  Sýningar verða í gamla Arctic-húsinu við Vesturgötu á Akranesi og það er vel við hæfi að setja Sölku Völku upp í gömlu fiskvinnsluhúsi, enda á sagan sér stað í litlu sjávarþorpi þar sem lífið er saltfiskur. Skagaleikflokkurinn hefur staðið í ströngu við að gera nýtt...