Author: lensherra

Laugardaginn 28. apríl n.k. verður lokasýning á ævintýraverkinu "Þið munið hann Jörund" í félagsheimilinu á Hólmavík. Reiknað er með gargandi stemmingu þetta kvöld og fullu húsi gesta. Áhugasömum er þess vegna bent á að panta miða á sýninguna í síma 865-3838. Í tilefni dagsins vill Leikfélagið bjóða einn frían drykk með hverjum keyptum miða. Geta gestir valið úr nokkrum tegundum gosdrykkja til að svala þorstanum og þeir sem eru orðnir 20 ára hafa einnig val um léttan eða venjulegan bjór. Kvennakórinn Norðurljós selur kaffi, svala og gómsætt bakkelsi í hléinu. Gestum sem koma lengra að, er bent á að...

Leikfélag Sauðárkróks frumsýnir gamanleikinn Sex í sveit eftir Marc Camoletti í Bifröst á Sauðárkróki sunnudaginn 29. apríl kl. 21:00. Ensk leikgerð er eftir Robin Howdon, íslenskun og staðfæring er eftir Gísla Rúnar Jónsson en leikstjórn er í höndum Jóns Stefáns Kristjánssonar. Verkið er sett upp í tilefni að Sæluviku á Sauðárkróki, en leiksýningar í Sæluviku eiga sér rúmlega 100 ára sögu. Söguþráðurinn er í stórum dráttum sá að maður okkur býður viðhaldinu sínu með í sumarbústað, en þegar smátt og smátt fer að fjölga í bústaðnum taka málin glænýja og óvænta stefnu og hafa nokkuð ófyrirsjáanlegar afleiðingar. Hlutverk sexmenninganna...

Leikfélag Ölfuss sýnir Einn koss enn og ég segi ekki orð við Jónatan eftir Marc Camoletti í leikgerð Sigurðar Atlasonar, í Þjórsárveri, næstkomandi sunnudag, þann 29. apríl. Sýningin hefst klukkan 16. Miðapantanir í síma 664-6454. Miðar verða einnig seldir við innganginn klukkustund fyrir sýningu. Leikritið fjallar um kvennamanninn Jónatan sem heldur við þrjár flugfreyjur sem vinna eftir föstum áætlunum sem ekki skarast. Þegar nýjar hljóðfráar þotur eru teknar í notkun fer skipulagið í vaskinn og leikurinn að æsast. Leikstjóri verksins er Hörður Sigurðarson. Sex leikarar eru í sýningunni. Þeir eru Arnar Gísli Sæmundsson, Ásta Margrét Grétarsdóttir, Helena Helgadóttir, Hulda...

Leikfélagið Peðið efnir til leikritasamkeppni í tengslum við Menningarhátíð Grand Rokks sem haldin verður dagana 31. maí–3. júní 2007. Leitað er eftir drögum/hugmyndum/grind að leikverki sem hentað gæti til uppsetningar hjá leikhópnum. Skilafrestur er til 15. maí og skal handritum skilað á Grand Rokk, Smiðjustíg 6, 101 Reykjavík, í umslagi merktu Leikritasamkeppni Peðsins og nafn höfundar ásamt símanúmeri viðlagt í lokuðu umslagi, merktu verkinu. Dómnefnd skipuð Viðari Eggertssyni, Þorgeiri Tryggvasyni og Lísu Pálsdóttur mun velja vinningshandritið og stefnt er að því að verkið verði sett upp á Menningarhátíðinni að ári. Mundið nú pennann eða tætið upp úr skúffunum! Vegleg...

Leikrænn flutningur á textum eftir Xavier Durringer verður á 3. hæðinni í Borgarleikhúsinu þann 27. apríl, kl. 21:00. Sýningin Krónikur dags og nætur er byggð á bók Durringer “Les chroniques des jours entiers et des nuits entières” sem inniheldur fjölmarga stutta prósatexta og samtöl. Verkefni leikstjóra og þýðenda var að finna 26 texta héðan og þaðan úr bókinni og mynda þannig eina heild sem sýnir glöggt viðfangsefni höfundar; firringu, ofbeldi og tilgang eða tilgangsleysi í mannlegum samskiptum sem og um lífið, ástina sem við dreymum um, og dauðann að lokum. Tilgangur verksins er um leið að fólk til að...