Author: lensherra

Vegna væntanlegar leikferðar Leikfélags Selfoss til Litháen í október, sýnir félagið tvær aukasýningar af gamanleiknum Hnerrinn eftir Anton Tsjekoff síðustu helgina í september. Hnerrinn er safn einþáttunga og smásagna og það er Hörður Sigurðarson sem leikstýrir verkinu. Hann þýddi einnig enska leikgerð Michaels Frayn og er þetta frumflutningur á þessari leikgerð hér á landi. Sýnt er í Litla leikhúsinu við Sigtún á Selfossi. Hnerrinn er 66. verk Leikfélags Selfoss, en félagið hefur starfað óslitið frá árinu 1958 og hefur alla tíð verið einn af máttarstólpum menningarstarfsemi í sveitarfélaginu. Áhorfendur eiga í vændum skemmtilega kvöldstund með Tsjekoff, þar sem  þeir...

Það að heimurinn sé að enda, það er að segja líða undir lok, er hugtak sem fæstir tengja við gamansemi eða glens.  Þrátt fyrir þetta háalvarlega og marghótaða hugtak hefur þremur listamönnum tekist að setja upp sýningu sem fjallar um hversu afbrigðilegt og súrealískt hugtakið heimsendir er í raun og veru. Það að heimurinn sé að enda kominn er því endalaus vitleysa og gleði að mati Þorsteins Guðmundssonar sem ásamt uppákomufyrirtækinu Am Events er í forsvari fyrir leiksýninguna Heimsendir. Leikarar auk Þorsteins eru Þórhallur Þórhallsson og Úlfur Linnet.  Það má því með sanni segja að hér sé hægt að...

Þjóðleikhúsið frumsýnir nýtt íslenskt barnaleikrit næstkomandi sunnudag, þann 23. september kl 13:30. Verkið Gott kvöld, eftir hina vinsælu bókverkakonu Áslaugu Jónsdóttur, verður fyrsta sýning leikársins í Kúlunni. Áslaug byggir leikritið á samnefndri bók sinni sem kom út fyrir tveimur árum, en hún hefur unnið verkið að nýju fyrir leikhús og meðal annars samið nýja söngtexta fyrir sýninguna. Tónlist gegnir veigamiklu hlutverki í sýningunni en hana semur Sigurður Bjóla. Þegar pabbi skreppur frá til að sækja mömmu er strákur aleinn heima með bangsa sér til halds og trausts. En það er hægara sagt en gert að hughreysta bangsa sem óttast...

Óhapp!, nýtt verk eftir Bjarna Jónsson, verður frumsýnt í Kassanum við Lindargötu 7 nk. föstudag. Meðal leikara í sýningunni eru Atli Rafn Sigurðarson, Katla Margrét Þorgeirsdóttir, Dóra Jóhannsdóttir, Elma Lísa Gunnarsdóttir og Stefán Hallur Stefánsson en leikstjóri er Stefán Jónsson. Óhapp! er óvanalegt stofudrama með þar sem ólíkir heimar skarast. Við lítum inn til ungra hjóna sem glíma við fortíðina og hvort annað, kennaraverkfall setur óvænt strik í reikning sjónvarpsstjarna, sálfræðingurinn leggur línurnar og kokkurinn töfrar fram unaðslegt lambakjöt. Hér er á ferðinni „heimilisleg“ umfjöllun um þjóðfélag sem er á kafi í sjálfu sér og ósköp kunnuglegt fólk sem...

Nú liggur dagskrá starfsársins 2007-2008 hjá Íslensku óperunni fyrir. Í vetur koma við sögu kvenhetjur frá ýmsum tímabilum, íslenskir sem erlendir stórsöngvarar, nýjungar í bland við dagskrárliði sem þegar hafa fest sig í sessi og ýmislegt fleira spennandi. Fyrsta frumsýning vetrarins verður 4. október, en þá verður frumsýnd hér á landi óperan Ariadne (Ariadne auf Naxos) eftir Richard Strauss. Hljómsveitarstjóri er Kurt Kopecy, aðstoðarhljómsveitarstjóri er Daníel Bjarnason og leikstjóri er Andreas Franz.  Í helstu hlutverkum eru Hanna Dóra Sturludóttir, Arndís Halla Ásgeirsdóttir, Guðrún Jóhanna Ólafsdóttir, Kolbeinn Ketilsson og Ágúst Ólafsson, en þar að auki syngja í sýningunni þau Bergþór...