Author: lensherra

Leikfélag Selfoss æfir Sólarferð

Leikfélag Selfoss tekur stefnuna til sólríkari stranda í vetur en nú standa yfir æfingar á leikritinu Sólarferð eftir Guðmund Steinsson og hefur Rúnar Guðbrandsson verið fenginn til að leikstýra. Leikritið gerist á miðjum áttunda áratugnum og fjallar um ferð nokkurra íslenskra hjóna til Costa del Sol. Það gengur á ýmsu og tekið er á því sem gerist á gamansaman hátt en þó með alvarlegum undirtón. Stefnt er að því að frumsýning verði 24. febrúar n.k....

Sjá meira

Aukasýningar á Ég er vindurinn

Undanfarnar vikur hefur leikfélagið Sómi þjóðar sýnt uppsetningu sína á verki Jon Fosse, Ég er vindurinn, við frábærar viðtökur. Uppselt hefur verið á nær allar sýningar og einnig hafa leikdómar um sýninguna verið vægast sagt jákvæðir. Sökum þess hefur Sómi þjóðar ákveðið að sýna nokkrar aukasýningar á verkinu. Leikstjóri er Ingibjörg Huld Haraldsdóttir en þýðinguna gerði Hilmir Jensson. Sýningarnar eru sunnudaginn 19. feb, mánudaginn 20. feb. og föstudaginn 24. feb og hefjast þær allar kl. 19.30. Jon Fosse (f. 1959) er einn af ástsælustu rithöfundum Noregs og eitt vinsælasta núlifandi leikskáld í heiminum í dag. Settar hafa verið upp...

Sjá meira

Baðstofan frumsýnd í Félagslundi á Reyðarfirði

Föstudaginn 10.02 frumsýnir Leikfélag Reyðarfjarðar nýtt íslenskt verk, Baðstofuna eftir Gunnar Ragnar Jónsson. Í litlu koti í afskekktum dal húkir fjölskylda og lifir á litlu. Eftir að morð er framið á bæ í nágrenninu ber förumann að garði. Við það færist fjölbreytni í líf fjölskyldunnar og undarlegir atburðir fara að gerast. Hér er á ferðinni gamansamur leikur að þjóðsagnaarfi þjóðarinnar með tilheyrandi drunga og spennu. Formaður Leikfélags Reyðarfjarðar, Gunnar Ragnar Jónsson, setti verkið saman eftir mikla hugmyndavinnu leikhópsins. Þetta átti þó aldrei að verða leikrit. Upphaflega átti að vera á ferðinni stutt skemmtidagskrá í tilefni menningarhátíðarinnar Dagar Myrkurs. Fljótt...

Sjá meira

Gói og Ævintýrin: Baunagrasið frumsýnt

Þann 11. febrúar næstkomandi kl. 13 verður leikritið Baunagrasið frumsýnt á Litla sviðinu. Gói og Þröstur opna dyr leikhússins upp á gátt fyrir öllum landsmönnum, ungum sem öldnum og ferðast um töfraheim ævintýranna. Á ferðalaginu nýta þeir til hins ýtrasta leik, söng og dans og bregða sér í allra kvikinda líki í anda furðusagnanna. Fyrst komu Eldfærin – nú er það Baunagrasið. Eldfærin hlutu tvær tilnefningar til Grímunnar á síðasta ári, sem áhorfendasýning ársins og barnasýning ársins. Gói og Þröstur halda nú áfram að kafa í gömlu ævintýrin og blása í þau nýju lífi á leiksviðinu. Risinn, gamla konan,...

Sjá meira

Klerkar í klípu í Biskupstungum

Leikdeild Ungmennafélags Biskupstungna frumsýnir gamanleikritið Klerkar í klípu eftir Philip King, í leikstjórn Gunnars Björns Guðmundsonar en þetta er fimmta leiksýningin sem Gunnar Björn setur upp hjá leikdeildinni. Sýningar eru í Aratungu og hefjast kl. 20.30, á undan sýningum er boðið upp á leikhúsmatseðil á Kaffi Kletti í Reykholti. Leikritið fjallar um Penelópu, prestfrú og fyrrum leikkonu, sem bregður sér af bæ með fyrrum leikfélaga sínum, sem dulbýr sig sem prestur til að þekkjast ekki. Þegar þau koma heim til hennar á ný er frændi hennar þar staddur og heldur að vinurinn sé presturinn, eiginmaður frúarinnar. Þegar sá kemur...

Sjá meira