Author: lensherra

Einleikurinn Afinn á leið um landið

Einn ástsælasti leikari þjóðarinnar Sigurður Sigurjónsson ferðast um landið með glænýtt íslenskt gamanleikrit í farteskinu, leikrit sem fékk mjög góða dóma sem og aðsókn í Borgarleikhúsinu á yfirstandandi og síðastliðnu leikári. Uppfærslan er samvinna þeirra Sigurðar og Bjarna Hauks Þórssonar. Áður hafa þeir unnið saman að Hellisbúanum og Pabbanum. Hvernig eru afar í dag? Þeir eru á besta aldri, í góðri stöðu, búnir að ala upp börnin og geta loksins notið lífsins eftir brauðstritið. Margir hverjir eiga Harley Davidson í bílskúrnum og hlusta ennþá á Bítlana, en eiga það allir sameiginlegt að sofna yfir Kastljósinu á kvöldin. En verkefni...

Sjá meira

Revía í Reykholti

Ungmennafélag Reykdæla frumflutti föstudaginn 2. mars revíuna Ekki trúa öllu sem þú heyrir (og ekki trúa öllu sem þú sérð) í Logalandi í Reykholtsdal. Handrit og lagatextar eru eftir Bjartmar Hannesson bónda og skáld á Norður Reykjum í Hálsasveit. Það verður að teljast til viðburða þegar áhugamannaleikhús frumflytur rammíslenska revíu. Leikstjóri er Þröstur Guðbjartsson. í verkinu er eins og í öllum góðum revíum, gert grín að heimamönnum í nútíð, þátíð og jafnvel framtíð. Egill Skallagrímsson sjálfur er kominn á vettvang og kynnir áhorfendum sögusviðið: Borgarfjörður, landnám Skallagríms árið 2012. Ýmsum kunnuglegum persónum bregður fyrir og léttleikinn er alltaf til...

Sjá meira

16 elskendur furmsýna Sýningu ársins

Sunnudaginn 4. mars næstkomandi, frumsýnir Sviðslistahópurinn 16 elskendur stórvirkið Sýningu ársins, sviðslistaviðburð fyrir alla Íslendinga. Eins og titillinn gefur til kynna er ekki ráðist á garðinn þar sem hann er lægstur en í sýningunni leitast hópurinn við að koma til móts við „leikhúsþarfir Íslendinga.“  Í því skyni hefur leikhópurinn látið gera skoðanakönnun á því hvað Íslendingar vilja sjá á sviði. Til að niðurstaðan væri sem vísindalegust gekk hópurinn til samstarfs við Félagsvísindastofnun Háskóla Íslands sem framkvæmdi könnunina með 1400 manna úrtaki. Sýningin er unnin beint upp úr niðurstöðum rannsóknarinnar. Hvað vilja Íslendingar sjá í leikhúsi? Hvað vilt þú sjá í...

Sjá meira

Nei ráðherra! í Hofi laugardaginn 3. mars

Næstkomandi laugardag, hefjast sýningar á gleðileiknum Nei ráðherra! í Menningarhúsinu Hofi á Akureyri. Hér er á ferðinni drepfyndið verk úr smiðju Ray Cooney í íslenskri heimfærslu Gísla Rúnars Jónssonar. Fyrirhugaðar eru fjórar sýningar í viðbót fyrir norðan á Nei ráðherra!, laugardaginn 10. mars kl. 19 og 22 og föstudaginn 16. mars, einnig kl. 19 og 22. Leikstjórn er í höndum Magnúsar Geirs Þórðarsonar leikhússtjóra. Ýmsum óþrifnaði hefur ráðherrann ungi sópað undir teppi, atvinnulygarinn sjálfur, en þó aldrei dauðum manni og það á hótelherbergi – með viðhaldinu – sem er innsti koppur í búri stjórnarandstöðunnar. Það stóð ýmislegt til í...

Sjá meira

Venjufólk og smámenn

Leikfélag KópavogsHringurinn eftir Hrefnu FriðriksdótturLeikstjóri: Hörður Sigurðarson Leikfélag Kópavogs frumsýndi síðastliðinn sunnudag, 26. febrúar, leikritið Hringinn eftir Hrefnu Friðriksdóttur í Leikhúsinu við Funalind í Kópavogi. Í leikritinu segir frá Evgeníu sem lifir einkar fábrotnu lífi og starfar hjá opinberri stofnun. Dag einn kemur lögfræðingur til hennar og greinir henni frá láti föður hennar. Hún kynntist föður sínum raunar aldrei, en hann hefur samt sem áður arfleitt hana og reynist föðurarfurinn vera sirkus. Lífið í sirkusnum er svo sannarlega ólíkt því lífi sem Evgenía hefur kynnst áður og persónurnar eru litríkar og ekkert „venjufólk“. Og „venjufólkið“ kemur mikið við sögu...

Sjá meira