Author: lensherra

La Bohème frumsýnd í Eldborg

Hið ódauðlega meistaraverk, óperan La Bohème eftir Puccini, verður frumsýnd föstudaginn 16. mars kl. 20 í Eldborg í Hörpu. Hér er um að ræða aðra sýningu Íslensku óperunnar í hinum nýju húsakynnum, en skemmst er að minnast fyrstu uppsetningarinnar, Töfraflautunnar, sem 13.000 manns sáu síðastliðið haust. Nú er komið að meistaraverki Puccini um bóhemana í París, umfangsmikill og fjölmennri sýningu sem krefst mikils af öllum þeim listrænu kröftum sem að henni standa. Þessi hrífandi ópera þykir ein fegursta smíð tónbókmenntanna og er hún jafnan á fjölum helstu óperuhúsa heims. Í La Bohème segir frá hópi listamanna í París í...

Sjá meira

Að eilífu sýnt hjá Leikfélagi Bolungarvíkur

Leikfélag Bolungarvíkur rumskaði á vordögum síðastliðnum eftir 17 ára fastasvefn. Ráðist var í uppsetningu á verkinu „Að eilífu,“ eftir Árna Ibsen, eftir nýjárið og var frumsýning síðastliðinn laugardag. Leikstjóri verksins er Lilja Nótt Þórarinsdóttir, leikkona, en þetta er hennar fyrsta leikstjórnarverkefni. Hún réðst ekki á garðinn þar sem hann var lægstur í þessari fyrstu uppsetningu sinni því að meðal leikendanna sem eru hátt í 20, voru einungis 3 – 4 sem höfðu nokkuð rykfallna reynslu í sviðsleik. Góður rómur var gerður að frumsýningunni og þótti fólkinu vestra þessi uppsetning takast með eindæmum vel, auk þess sem verið var að bjóða...

Sjá meira

Súldarsker til Akureyrar

Í samstarfi við Leikfélag Akureyrar verður leikverkið Súldarsker eftir Sölku Guðmundsdóttur sýnt í Rýminu á Akureyri 16. og 17. mars næstkomandi. Þessi bráðskemmtilega sýning sló rækilega í gegn þegar hún var frumsýnd í fyrra og hlaut mikið lof gagnrýnenda og áhorfenda. Meðal annars var sýningin tilnefnd til tvennra Grímuverðlauna. Í kjölfarið verður Súldarsker einnig sýnt nokkrum sinnum í Tjarnarbíói en sýningin hætti þar fyrir fullu húsi í fyrra. Tveimur aðkomukonum skolar upp á hið grámyglulega Súldarsker í ólíkum erindagjörðum. Koma þeirra setur samfélagið úr skorðum og hrindir af stað æsispennandi atburðarás þar sem við sögu koma gamlir vitaverðir, bæjarhátíðin...

Sjá meira

Sá glataði aftur á fjalirnar hjá Hugleik

Hugleikur sýnir á ný leikritið Sá glataði eftir tveggja vikna hlé. Handritið er eftir Sigríði Láru Sigurjónsdóttur en hún vann það í samvinnu við leikstjórann Ágústu Skúladóttur og leikhópinn. Tónlist og söngtexta í verkinu samdi Þorgeir Tryggvason. Sýnt er í húsnæði leikfélagsins að Eyjarslóð 9. Að þessu sinni fæst Hugleikur við eitt af grundvallarritum vestrænnar menningar, sjálfa Biblíuna. Megin efniviðurinn eru dæmisögur Jesú í Nýja Testamentinu, bæði þessar alþekktu um glataða soninn og miskunnsama Samverjann en einnig aðrar minna þekktar sem gjarnan fjalla um peninga og kallast þannig með áþreifanlegum hætti á við samtímann. Ágústa sér um að þræða...

Sjá meira

Sýningar á Gálmu hefjast á ný 13. mars

Í október síðastliðinn sýndi leikhópurinn Sómi þjóðar, í samstarfi við Norðurpólinn, nýja íslenska leikverkið Gálma. Vegna anna leikara voru sýningar á verkinu fáar (Hilmir Jensson hóf á þessum tímapunkti atlögu að Íslandsmeti í fjölda búningaskipta í einni sýningu í Vesalingunum, Bjartur Guðmundsson hvarf inn í söngleikja-paradísina í Fjölbrautarskólanum í Garðabæ, og Tryggvi Gunnarsson fékk olíupeninga til að setja upp mjög svo óhefðbundna danssýningu í Þrándheimi). Pláss var fyrir 40 manns á hverja sýningu á Gálmu, en á lokasýningu var setið í hverju sæti og staðið í hverju horni. 110 manns sáu þessa lokasýningu, en fjöldi þurfti því miður frá...

Sjá meira