Author: lensherra

Leikfélag Seyðisfjarðar frumsýnir Pelíkanann

Föstudaginn 11. maí frumsýnir Leikfélag Seyðisfjarðar leikritið Pelíkaninn eftir Seyðfirðinginn Ágúst Torfa Magnússon sem jafnframt er leikstjóri. Pelíkaninn er þriðja leikritið sem Ágúst skrifar fyrir Leikfélag Seyðisfjarðar, áður hefur skrifað verkin Kallarðu þetta leikrit? og Þetta er bara prinsippmál! sem hann skrifaði ásamt Snorra Emilssyni. Sýnt er í Félagsheimilinu Herðubreið, Seyðisfirði og hefjast sýningar kl. 20.30. Það er 6. áratugur síðustu aldar og tónlistarmenn eins og t.d. Elvis Presley og Buddy Holly voru uppá sitt besta. Nú gefst ykkur einstakt tækifæri til að reka inn nefið á Pelikananum, sem er háklassa veitinga- og skemmtistaður, og fylgjast þar með örlögum...

Sjá meira

Bræður – fjölskyldusaga á Listahátíð í júní

Framleiðsla og æfingar á sýningunni Bræður – fjölskyldusaga eru í fullum gangi í Borgarleikhúsinu um þessar mundir. Verkið er samstarfsverkefni Borgarleikhússins, Vesturports, borgarleikhússins í Malmö og Teater Får302 í Kaupmannahöfn. Íslendingum gefst kostur á að fylgja þessu metnaðarfulla verkefni úr hlaði í vor því ferðalag norrænu uppfærslu verksins hefst á tveimur sýningum á Listahátíð þann 1. og 2. júní, í flutningi danskra, sænskra og íslenskra leikara. Sýningin verður svo frumsýnd á íslensku á næsta leikári í Borgarleikhúsinu með íslensku leikaraliði. Höfundar verksins eru hinn virti bandaríski handritahöfundur Richard Lagravenese og Gísli Örn Garðarsson sem jafnframt leikstýrir verkinu. Richard Lagravenese...

Sjá meira

Hvílíkt snilldarverk er maðurinn á Akureyri

Á morgun, fimmtudaginn 10. maí kl. 20:00, mun Sigurður Skúlason sýna einleikinn Hvílíkt snilldarverk er maðurinn, í Samkomuhúsinu á Akureyri. Verkið er unnið upp úr verkum Shakespears og hefur fengið afburða góða gagnrýni. Verkið hefur verið sýnt í Þjóðleikhúsinu í vetur og er einnig nýkomið úr leikferð um Austurland þar sem það var sýnt 6 sinnum fyrir fullu húsi. Aðeins er um þessa einu sýningu að ræða. Sýningin er einleikur byggður á brotum úr leikritum og sonnettum Shakespeares. Fjallað er um manninn og vegferð hans, og samlíkingu lífs og leikhúss. Áhorfendur ferðast inn í völundarhús mannssálarinnar þar sem á...

Sjá meira

Athyglisverðasta áhugaleiksýning leikársins 2011-2012

Val Þjóðleikhússins á athyglisverðustu áhugaleiksýningu leikársins hefur nú farið fram í nítjánda sinn. Alls sóttu ellefu leikfélög um með jafn margar sýningar. Það var afar ánægjulegt að skoða þessar fjölbreyttu sýningar, víðsvegar að af landinu og verða enn á ný vitni að því hversu góða rækt áhugaleikfélögin leggja við íslenska leikritun. Öll verkin voru eftir íslenska höfunda, og voru sjö þeirra frumsamin fyrir félögin en fjögur voru áður sýnd íslensk verk. Dómnefnd hefur komist að þeirri niðurstöðu að velja að þessu sinni sem athyglisverðustu áhugaleiksýningu leikársins 2011-2012 sýningu Leikfélags Kópavogs á Hringnum. Í dómnefnd í ár sátu Ari Matthíasson,...

Sjá meira

Aðalfundur Bandalagsins 2012

Dagana 5.-6. maí fór aðalfundur Bandalags íslenskra leikfélaga fram í Edinborgarhúsinu á Ísafirði. Þær breytingar urðu á stjórn að Þráinn Sigvaldason, Leikfélagi Fljótsdalshéraðs, var kosinn inn í stað Ásu Hildar Guðjónsdóttur, Halaleikhópnum. Í varastjórn tók Ylfa Mist Helgadóttir, Leikfélagi Bolungarvíkur við sæti Höllu Rúnar Tryggvadóttur, Leikfélagi Húsavíkur, sem gaf ekki kost á sér. Stærsta málið sem lá fyrir fundinum var slæmur efnahagur Bandalagsins en eftir niðurskurð opinberra styrkja undanfarin ár hefur þrengt svo að fjárhag Bandalagsins að við óbreytt ástand verður ekki unað. Meðal þeirra hugmynda sem ræddar voru til að létta á fjárhag Bandalagsins var að leikfélögin keyptu...

Sjá meira