Author: lensherra

Aðalfundur Leikfélags Selfoss var haldinn þann 30. apríl síðastliðinn. Að venju var rennt yfir starf liðins árs, sem var í senn geysiöflugt og fjölbreytt. Má þar nefna söngnámsskeið, Hugarflug og svo uppsetningu á Þreki og tárum, sem gekk mjög vel. Nokkrir nýir félagar gengu til liðs við félagið og margir buðu sig fram til starfa. Sigrún Sighvatsdóttir ákvað hætta sem formaður leikfélagsins eftir áralanga setu í því embætti og fékk hún mikið lof fyrir vel unnin störf í þágu félagsins. Að sögn fróðra félaga hefur fjöldi þeirra sem bauð sig fram til stjórnar aldrei verið meiri og kosningarnar spennandi...

Nú um helgina verða allra síðustu sýningar á vorverkefni Hugleiks, Spilaborgum. Sýnt verður í kvöld, föstudaginn 10 maí, og svo laugardaginn 11. og sunnudaginn 12. en aðeins sex sýningar voru áformaðar þannig að nú fer hver að verða síðastur. Allar sýningarnar eru kl. 20 og sýnt er í húsnæði félagsins að Eyjarslóð 9. Höfundur er Ásta Gísladóttir og leikstjórar Þorgeir Tryggvason og Sigurður H. Pálsson. Leikritið fjallar um hvað gerist þegar ungur maður finnur tösku fulla af peningum ásamt absinthe-flösku og illa kveðnu ljóði. Hann á í talsverðum vandræðum með að reikna út hvernig best er að vinna úr...

Nú á dögunum frumsýndi Leikfélag Menntaskólans á Akureyri hið sívinsæla verk Þrek og tár eftir Ólaf Hauk Símonarson í leikstjórn í leikstjórn Árna Grétars Jóhannssonar. Verkið var fyrst frumsýnt í Þjóðleikhúsinu árið 1995 og er eitt af ástsælustu verkum Ólafs Hauks. Verkið er sýnt í Rýminu, húsnæði Leikfélags Akureyrar. Davíð, ungur og hæfileikaríkur Reykvíkingur, snýr aftur heim til Íslands eftir nokkurra ára búsetu erlendis. Er hann tekur síðustu sporin að heimahögunum ferðast hugur hans í gegnum minningar liðinna tíma. Sögusviðið er Reykjavík uppvaxtarára hans við upphaf sjöunda áratugarins. Hann býður áhorfendum með í magnað ferðalag fullt af söng, dansi,...

Þann 28. apríl síðastliðinn frumsýndi Leikfélag Sauðárkróks nýtt íslenskt leikrit samið í kringum tónlist Geirmundar Valtýssonar. Leikritið nefnist Tifar tímans hjól og var það skrifað af Árna Gunnarssyni og Guðbrandi Ægi Ásbjörnssyni, sem einnig leikstýrði. Uppselt hefur verið á þær 8 sýningar sem búið er að sýna og er einnig uppselt á næstu tvær og hefur því verið bætt við tveimur sýningum, sunnudaginn 12. maí og Hvítasunnudag 19. maí og hefjast báðar sýningarnar kl. 20.30. Panta má miða í síma 849 9434 virka daga frá 16 – 18 og 
einnig klukkustund fyrir sýningu í síma og í Bifröst. Sýningarplanið:

9....

Samvinnuverkefni Leikfélags Ólafsfjarðar og Leikfélags Siglufjarðar, Stöngin inn var valin Athyglisverðasta áhugaleiksýning ársins 2013 af valnefnd Þjóðleikhússins. Fulltrúi Þjóðleikhússins, Þórhallur SIgurðsson, tilkynnti niðurstöðuna á aðalfundi BÍL sem haldinn var í Logalandi í Borgarfirði nú um helgina. Stöngin inn er eftir Guðmund Ólafsson sem jafnframt leikstýrir. Félögunum hefur verið boðið sýna verkið í Þjóðleikhúsinu. Greinargerð valnefndar: Val Þjóðleikhússins á athyglisverðustu áhugaleiksýningu leikársins hefur nú farið fram í tuttugasta sinn. Að þessu sinni sóttu alls sautján leikfélög um að koma til greina við valið, með jafn margar sýningar. Það var afar ánægjulegt að skoða þessar fjölbreyttu sýningar, víðsvegar að af landinu og verða enn...