Author: lensherra

  NEATA stuttverkahátíðin verður haldin í Leikhúsinu að Funalind 2 í Kópavogi laugardaginn 4. október. Hátíðin hefst kl. 13.00 og endar á sameiginlegum hátíðarkvöldverði í Hlégarði í Mosfellsbæ. Á hátíðinni verða sýnd 15 stuttverk frá 3 upp í 15 mín. að lengd. Þegar sýningum lýkur sjá Sigriður Lára Sigurjónsdóttir og Karl Ágúst Úlfsson um gagnrýni og umræður. Hátíðin er ókeypis og öllum opin en panta þarf miða fyrirfram.   Þetta er fyrsta stuttverkahátíðin sem haldin er undir merkjum NEATA, Norður evrópska áhugaleikhúsráðsins. Að þessu sinni koma leikþættir frá Færeyjum og Íslandi og áheyrnarfulltrúar koma frá Danmörku.   Dagskráin er...

Í ljósi nýjustu frétta mætti ætla að bókaútgáfa væri hverfandi fyrirbæri hér á landi. En þó er alltaf einhver sem stekkur til í ævintýrið og nú hefur Kómedíuleikhúsið sett sig í útgáfustellingar. Tilefnið er kennslubókin Leikræn tjáning eftir Elfar Loga Hannesson, leikara. Til að ævintýrið gangi hefur útgefandi hafið sérstaka söfnun fyrir útgáfunni á Karolina fund. Hér er slóðin á verkefnið https://www.karolinafund.com/project/view/620 Þar er allt lagt undir og vissulega munu allir hagnast ef takmarkið næst. Útgáfu bókarinnar má styrkja í öllum verðflokkum og eftir því sem verðin eru hærri því meira fær kaupandinn í sinn hlut. Þannig færðu fyrir...

Æfingar eru hafnar að nýju hjá Leikfélagi Fjallabyggðar á verkinu Brúðkaup sem er samið af Guðmundi Ólafssyni sem jafnframt leikstýrir verkinu. Um er að ræða fyrsta verk Leikfélags Fjallabyggðar þar sem Leikfélag Ólafsfjarðar og Leikfélag Siglufjarðar sameinuðust formlega í Leikfélag Fjallabyggðar 12. júlí 2013. Áður unnu félögin saman af mikilli prýði að uppsetningu á verkinu Stöngin inn! sem einnig var samið og leikstýrt af Guðmundi Ólafssyni, en félögin enduðu á fjölum Þjóðleikhússins með þá sýningu. Leikhúsgestum getur farið að hlakka til að skemmta sér í leikhúsinu með Leikfélagi Fjallabyggðar en L.F. mun heimsfrumsýna Brúðkaup þann 17. október í Tjarnarborg...

Þungarokkararnir í Skálmöld ætla aftur að henda leikmyndunum út af Stóra sviði Borgarleikhússins eins og í fyrra en þeir sýndu sex sýningar fyrir troðfullu húsi. Eins og þá rífa þeir göt á búninga leikarana og hækka í Marshall mögnurunum. Skálmöld og listafólk Borgarleikhússins taka höndum saman og magna upp norrænan seið með vænum skammti af þungarokki maríneruðum í leikhúsinu. Sagan er Baldur, sem Skálmöld rakti svo listilega á samnefndum diski sveitarinnar og gerði hálfa þjóðina að þungarokkurum. Aðeins verða þrjár sýningar, dagana 27. september, 4. og 11. október. Hljómsveitin Skálmöld hefur vakið mikla athygli og aðdáun fyrir plötur sínar,...

Benedikt Axelsson ljósameistari mun halda námskeið í leikhúslýsingu helgina 25. og 26. okt. nk. kl. 10.00 – 15 eða 16 báða dagana. Námskeiðið hentar öllum sem vilja kynna sér betur hvernig ljós, lýsing og önnur leikhústækni virkar. Leikstjórar, tæknimenn, stjórnir leikfélaga og leikarinn sjálfur geta lært heilmikið sér til gagns ekki síður en þeir sem vilja vera ljósamenn. Markmiðið er að búa til „ljósahóp“ fólks sem getur unnið saman, hjálpað til við ýmis tæknistörf og helst af öllu, hannað lýsingu saman eða til skiptis, en ekki síður að veita sem flestum þáttakendum leikfélaga innsýn í lýsinguna, hvernig hún getur...