Author: lensherra

Stoppleikhópurinn frumsýnir leikritið Upp, upp eftir Valgeir Skagfjörð. Leikritið segir uppvaxtarsögu Sr. Hallgríms Péturssonar og var skrifað í tilefni af 400 ára afmæli skáldsins. Verkið byggir að stærstum hluta  á bókinni Heimanfylgju eftir Steinunni Jóhannesdóttur sem öðrum fremur hefur gert Hallgrími Péturssyni og konu hans Guðríði Símonardóttur skil í verkum sínum. Sýningunni er fyrst og fremst ætlað að höfða til unglinga. Um er að ræða farandsýningu en efnt er til sérstakrar hátíðarsýningar í Gerðubergi miðvikudaginn 12. nóvember n.k. kl. 17.30.  Sýningin tekur 50 mínútur í flutningi og eru allir velkomnir meðan húsrúm leyfir. Handritshöfundur og leikstjóri er Valgeir Skagfjörð....

Fangi freistinganna er gjörningur sem mun fara fram í anddyri Tjarnarbíós frá 14. nóvember kl. 17.00 til 15. nóvember kl. 17.00. Jóhanna Lind Þrastardóttir, 26 ára gömul leikkona, stendur fyrir gjörningnum: „Ég ætla að loka mig þar inni í 24 klukkustundir umkringd þeim freistingum sem mér finnst erfiðast að standast án þess að falla fyrir þeim.“ „Með mér verður leikkonan Monika Ewa Orlowska til aðstoðar. Monika er ekki fangi freistinganna. Hennar hlutverk felst í því að vera mín freisting og hefur fullt frelsi til að gera það sem hana langar. Til dæmis er manneskjan stór freisting og því er...

Föstudagskvöldið 14. nóvember heldur belgíski dansarinn Mirte Bogaert sýningu á nýju verki í Frystiklefanum á Rifi. Mirte hefur haft aðsetur í klefanum frá því í byrjun október og unnið ötullega að þessu nýja dansverki sem sækir innblástur sinn í náttúruna og veðrið á Snæfellsnesinu. Þetta er í fyrsta skipti sem listamaður hefur aðsetur í klefanum og þótti henni einkar ánægjulegt að dveljast á Rifi. Hún sótti meðal annars prjónanámskeið og gerði sitt besta til að læra íslensku með góðri hjálp Kötu í Rifssaumi. Sýning Mirte hefst klukkan 20:00 og stendur yfir í rúmar þrátíu mínútur.  Eins og fyrri daginn...

Föstudagskvöldið 7. nóvember kl. 20.30 frumsýnir Leikfélag Rangæinga Fullkomið brúðkaup eftir Robin Hawdon í Hellubíói á Hellu. Leikstjóri er Ármann Guðmundsson og Örn Árnason þýddi verkið. Fullkomið brúðkaup er sprúðlandi farsi þar sem mannlegur breiskleiki og illa ígrundaðar lygar koma af stað atburðarás sem getur ekki endað nema á einn veg. Með ósköpum. Verkið greinir frá Bjarna sem vaknar að morgni brúðkaupsdags síns, eftir svaðalegt steggjapartý, í brúðarsvítu Stracta hótels á Hellu, með ókunnuga og nakta stúlku sér við hlið. Þar sem hann getur ekki fyrir sitt litla líf munað hvað gerðist um nóttina verður hann að taka skýringar...

Leiksýning Vesturports Hamskiptin verður sýnd í allra síðasta sinn í Þjóðleikhúsinu miðvikudaginn 19. nóvember. Með aðalhlutverk í sýningunni fer Gísli Örn Garðarsson. Sýningin hefur nú verið sýnd að nýju við frábærar viðtökur í Þjóðleikhúsinu og er um að gera að festa sér miða á þessa mögnuðu sýningu hið allra fyrsta! Hamskiptin eftir Franz Kafka er ein af þekktustu skáldsögum 20. aldarinnar. Leiksýningin er í senn ógnvekjandi og fyndin en í verkinu segir frá sölumanninum Gregor Samsa, sem vaknar upp einn morguninn í líki risavaxinnar bjöllu. Líf hinnar hversdagslegu Samsafjölskyldu breytist á svipstundu í einkennilega martröð. Hamskiptin er mögnuð leikhúsupplifun...