Author: lensherra

Rúm fjörutíu ár eru síðan leiksýningin Ínúk-maðurinn var frumsýnd í Þjóðleikhúsinu árið 1974. Leikrit samið í hópvinnu til sýninga í skólum um eskimóa og áhrif  hins vestræna heims á menningu þeirra. Leiksýningin sló í gegn bæði heima og heiman og var boðið að sýna á leikhúshátíðum vítt og breitt um heiminn. Næstu fjögur árin var hópurinn: Brynja Benediktsdóttir, sem jafnframt var leikstjóri, Helga E. Jónsdóttir, Ketill Larsen, Kristbjörg Kjeld og Þórhallur Sigurðsson, á faraldsfæti en sýningar á erlendri grundu urðu 109 í 36 borgum og 19 þjóðlöndum; Norðurlöndum, Evrópu og Mið- og Suður Ameríku. Í tilefni af amælinu hefur...

Þann 9. maí 2015 lýkur leikfélagið Hugleikur leikári sínu með frumsýningu á nýju, hressu verki sem kallast Stóra hangikjöts-, Orabauna- og rófumálið: Taðreyktur sakamálatryllir. Leikurinn gerist á hrörlegu veitingahúsi sem verið er að gera upp. Allt hangikjöt, rófur og Orabaunir hafa horfið af landinu með dularfullum hætti. Eru álfarnir að hefna sín af því að álfabyggð hefur verið raskað eða eru það strokufangar af Litla-Hrauni sem eru sökudólgarnir? Og hvaðan koma þessar þrjár konur, Ása, Signý og Helga, sem eru að sniglast um veitingahúsið? Ólafur rannsóknarlögreglumaður heldur að veitingamaðurinn og álfavinurinn Sigmar geymi lykilinn að lausn málsins. Höfundar eru...

DRAP HANN MANN EÐA DRAP HANN EKKI MANN? Meðlimir leikhópsins Kriðpleirs hafa haft í bígerð nýja heimildarmynd um Jón Hreggviðsson sem var dæmdur fyrir böðulsmorð fyrir 330 árum. Þeir eiga ýmisskonar efni í handraðanum og geta ekki beðið eftir að kynna það fyrir áhorfendum. Þess vegna er orðinn til gamanleikurinn SÍÐBÚIN RANNSÓKN, bíó, leiksýning og einskonar endurupptaka á máli Jóns Hreggviðssonar. Verkið var sýnt við glimrandi undirtektir í Tjarnarbíó í byrjun árs og snýr hér aftur sökum mikillar eftirspurnar. Sýningar verða: Þriðjudaginn 12. maí, kl. 20:00 Föstudaginn 15. maí, kl. 20:00 „Síðbúin rannsókn“ er þriðja leiksýningin sem leikhópurinn Kriðpleir setur upp. Fyrri sý́ningar hópsins eru...

Fjórar persónur lokaðar inni í byrgi. Eru þetta endalok jarðlífsins? Það er augljóst að mikið liggur undir. Allt lífið. „Það er fátt jafn hlægilegt og óhamingjan. Hún er það hlægilegasta í heiminum,“ segir ein þeirra. Í þessu tragíkómíska verki Samuels Beckett eru harðstjórn og undirgefni í stöðugu samspili. Spyrja má hvort taflmennska Becketts felist ekki í því að horfast í augu við smákónginn og þrælinn sem leynist innra með honum sjálfum og reyndar hverjum og einum. Þess vegna snertir þetta verk okkur öll. Endatafl er annað frægasta leikrit Nóbelskáldsins írska, Samuels Beckett, tvímælalaust eins áhrifamesta leikskálds tuttugustu aldarinnar. Hitt...

Stoppleikhópurinn sýnir leikritið „Upp, upp“ Æskusögu Hallgríms Péturssonar eftir Valgeir Skagfjörð í Gerðubergi miðvikudaginn 6. maí kl. 19.00. Aðeins þessi eina sýning og ókeypis inn! Leikritið segir frá uppvaxtarsögu Sr. Hallgríms Péturssonar og var skrifað í tilefni af 400 ára afmæli skáldsins.  Verkið byggir að stærstum hluta  á bókinni Heimanfylgju eftir Steinunni Jóhannesdóttur sem öðrum fremur hefur gert Hallgrími Péturssyni og konu hans Guðríði Símonardóttur skil í verkum sínum. Verkið er sniðið að ungum áhorfendum og miðar að því að gefa grunnskólabörnum/unglingum  innsýn í lífsbaráttu Íslendinga á 17. öld og hvaða merkingu það hafði fyrir ungan dreng eins og...