Author: lensherra

Dansverk um Bríeti Bjarnhéðinsdóttur – aðeins þrjár sýningar 4., 10. og 13. september. Dansverkið Bríet var nýlega frumsýnt á Reykjavík Dance Festival við frábærar viðtökur og heldur nú áfram í Tjarnarbíó. Athugið að verkið verður aðeins sýnt þrisvar sinnum og því ekki gott að fresta miðakaupum! Verkið er samið til heiðurs Bríeti Bjarnhéðinsdóttur kvenréttindakonu. Það er byggt á ævi Bríetar en innblásturinn hefur mest megnis verið sóttur í hennar persónulegu sögur, auk heimilda um afrek hennar innan kvenréttindabaráttunnar. Höfundur verksins er Anna Kolfinna Kuran í samstarfi við færar listakonur. Notast er við hreyfingar, tónlist, texta og söng til að miðla...

Móðurharðindin eftir Björn Hlyn Haraldsson verður frumsýnt í Kassanum 5. september. Þetta er annað leikrit Björns Hlyns en verk hans Dubbeldusch var frumsýnt við góðan orðstýr á leikfélagi Akureyrar fyrir nokkrum árum. Björn Hlynur er einn af okkar fremstu kvikmynda- og sviðsleikurum og er einn af stofnmeðlimum leikhópsins Vesturports. Á þessu leikári mun Björn Hlynur leika í Heimkomunni eftir Harold Pinter í Þjóðleikhúsinu. Móðurharðindin fjalla um móður sem stöðugt fer sínu fram og börnin sem þurfa að taka afleiðingunum. Nema nú er mælirinn fullur! Gamanleikur um samskipti móður og barna og harkaleg átök kynslóðanna, þar sem kynhlutverkin eru stokkuð...

Við hjá Uppsprettunni erum að leita eftir handritum sem aldrei hafa verið flutt á sviði áður. Þau mega vera mest 1.120 orð að lengd, eða 1.120 orða heilsteypt atriði. Einleikir eru ekki leyfilegir. Engar aðrar kröfur eru gerðar. Athugið að ef handritið fer langt framúr þessum orðafjölda verður það dæmt ógilt. Búið er að mynda nefnd af reyndu leikhúsfólki sem mun lesa handritin og velja svo úr þau þrjú handrit sem þeim þykir best, sem verða þá sett upp af Uppsprettunni á í Tjarnarbíói þriðjudaginn 20. október næstkomandi. Handritin verða send til þeirra án þess að höfundar verði nafngreindir, en hinsvegar verða höfundar verkanna þriggja, sem...

Starfsfólk Borgarleikhússins lýkur upp dyrunum á laugardag, 29. ágúst kl 13 og býður í vöfflukaffi með fjörlegri dagskrá. Það verður líf á öllum sviðum og um allt leikhús. Gestir á öllum aldri geta upplifað töfra leikhússins, gægst baksviðs, farið í skoðunarferðir og  bragðað á ljúffengum vöfflum sem leikhússtjórinn Kristín Eysteinsdóttir mun reiða fram af myndarskap ásamt öðru starfsfólki. Leikarar, leikstjórar, hönnuðir og tæknifólk  verða við störf á öllum sviðum hússins; ýmist við æfingar eða sýningar eða til þess að svara spurningum sem brenna á forvitnum leikhúsgestum. Nýtt leikár Borgarleikhússins fer frábærlega af stað og allt útlit fyrir að það muni...

Laugardaginn 29. ágúst kl. 20 verður Hið vikulega aftur á dagskrá hjá Leikfélagi Hagnarfjarðar í Gaflaraleikhúsinu. Síðasta sýning heppnaðist glimrandi vel og og voru sjö verk sýnd á föstudaginn var. Að þessu sinni verða 8 verk tekin til sýninga og því 15 ný íslensk verk sem félagið býður upp á að þessu sinni. Hið vikulega þessa vikuna hefur þemað Vitund – Awareness. Þetta er fullorðins sýning þ.a. hún er bönnuð börnum. Verkin sem sýnd verða eru: Puntudagur, höfundur: Elín Eiríksdóttir Grænland, höfundur: Ólafur Þórðarson Heilög Jól, höfundur: Ingveldur Lára Þórðardóttir Hildur, höfundur: Steinunn Þorsteinsdóttir Kramdar dósir, höfundur: Sóley Ómarsdóttir Smiðsraunir, höfundur:...