Author: lensherra

Leikfélag Sauðárkróks frumsýnir sunnudaginn 24. apríl gamanleikinn Fullkomið brúðkaup eftir Robin Hawdon. Þýðandi er Örn Árnason og leikstjóri er Guðbrandur Ægir Ásbjörnsson Drepfyndinn og rómantískur gamanleikur, hraður, fullur af misskilningi, framhjáhöldum og ást. Leikritið segir frá ungu fólki sem er að glíma við ástina, verða ástfangið, hætta að vera ástfangið og að verða ástfangið af þeim sem þau mega ekki vera ástfangin af. Brúðkaupsdagurinn er runninn upp. Brúðguminn vaknar með konu sér við hlið. Hann hefur aldrei séð hana fyrr. Hver er þessi kona? Hvað gerðist kvöldið áður? Hann flækist inní atburðarás sem hann ræður ekkert við, brúðurin á leiðinni,...

Halaleikhópurinn býður upp á vinnustofu í sagnalist nú á vordögum. Þetta er sjálfstætt framhald námskeiðs sem haldið var árið 2014. Þá var unnið með þjóðsögur og ævintýri en að þessu sinni verður viðfangsefnið persónulegar sögur. Leiðbeinandi verður sem áður, Ólöf I. Davíðsdóttir, en hún nam sagnalist í Bandaríkjunum. Vinnustofan í ár er öllum opin, jafnt félagsfólki sem öðrum, og þarf fólk ekki að hafa verið á fyrra námskeiðinu. Farið verður stuttlega yfir helstu leiðbeiningar frá fyrra námskeiði, gerðar æfingar og á milli funda vinna þátttakendur áfram með sína sögu heima. Fyrsti fundur vinnustofunnar verður miðvikudaginn 13. apríl, klukkan 20...

Í gær miðvikudaginn 6. apríl voru skráningar í prufur fyrir hlutverk í Bláa hnettinum. Gríðarlegur fjöldi barna mætti og munu næstu dagar fara í að hitta börnin og sjá hæfileika þeirra. Borgarleikhúsið leitar að 22 börnum, sem geta sungið, dansað og leikið, til að fara með hlutverk í fyrstu uppfærslu næsta leikárs sem verður Blái hnötturinn eftir Andra Snæ Magnason. Bergur Þór gerir nýja leikgerð ásamt því að leikstýra og Kristjana Stefánsdóttir semur tónlistina. Æfingar hefjast í maí en áætluð frumsýning er 17. september. Á bláum hnetti lengst úti í geimnum búa ótal börn sem fullorðnast ekki. Þetta eru...

Leikfélag Ölfuss efnir til stuttverkahátíðar laugardaginn 9. apríl næstkomandi. Sýnd verða nokkur af þeim tugum stuttverka sem orðið hafa til síðastliðna tvo vetur en félagar úr LÖ hafa hist reglulega til að skrifa leikverk. Dagskráin hefst klukkan 17:00 og sýnt er í „Rásarhúsinu“ að Selvogsbraut 4 í Þorlákshöfn. Kynnir er hin viðkunnanlega og skelegga Árný Leifsdóttir. Aðgöngumiði kr. 500 (ath. enginn posi). Dagskrá: Brenglun á bókasafni eftir Oddfreyju H. Oddfreysdóttur – leikstjóri Oddfreyja H. Oddfreysdóttir – leikendur Aðalsteinn Jóhannsson, Oddfreyja H. Oddfreysdóttir og Þuríður Sigurrós Sigurðardóttir. Biðstofan eftir Magnþóru Kristjánsdóttur – leikstjóri Magnþóra Kristjánsdóttir – leikendur Helena Helgadóttir, Hákon Svavarsson,...

Listahátíðin Vinnslan verður haldin laugardagskvöldið 9. apríl í Tjarnarbíói. Um 30 listamenn sýna verk í vinnslu og fylla rými Tjarnarbíós með öllum listformum. Listahópurinn Vinnslan heldur sína árlegu listahátíð á laugardaginn frá kl. 19:30 til 23 í Tjarnarbíói. Á þriðja tug listamanna sýna verk í vinnslu en öll rými Tjarnarbíós verða vettvangur listflutnings, hvort sem um er að ræða svið, baksviðsrými eða salerni. Á dagskrá verður myndlist, lifandi tónlist, gjörningar, dans, leikhúsverk, myndbandslist og fleira. Síðastliðin þrjú ár hefur Vinnslan staðið fyrir níu samsýningum og hafa 250 listamenn úr öllum listgreinum tekið þátt. Sérstök áhersla er lögð á verk í...